Муус устар 11 күнүгэр, өр кэмнээх тохтобул кэнниттэн "Алгыс" НАК көрөөччүлэригэр аанын аста. Бу киэһээ улуустааҕы уус- уран самодеятельность фестивалын кыттыылаахтарын уонна кэрэ эйгэни сэҥээрэр активистарбыт кэнсиэрин көрөөччүлэр ытыс дохсун тыаһынан көрүстүлэр. Чуумпуран, иһийэн турбут саала иһэ биирдэ сэргэхсийэ, музыка тыаһынан кутулла түстэ. Кэнсиэр " Алгыс" НАК директора Новгородова А.Н. эҕэрдэ тылынан саҕаланна. Бу киэһээ фестивальнай кэнсиэргэ кыттыыны ылбыт дьоммутугар үрдүк сыанаттан махтал суруктары туттардыбыт, кэккэ ситиһиилэринэн эҕэрдэлээтибит. Халлаан хаардаан, суол - иис уустугурдар даҕаны көрөөччүлэрбит, кыттааччыларбыт кэлэн кэнсиэри көрөн, кыттыыны ылан сэргэхсийдилэр, үөрүүлэрэ үксээтэ.
Комментариев нет:
Отправить комментарий