Ырыанан салама баайдарбын -

 

Ырыанан салама баайдарбын диэн сырдык 

ыралаах, уус - уран самодеятельноспыт бастыҥ кыттыылааҕа, ырыаһыппыт  Василий Алексеевич  Колесов бүгүн биһиги ортобутугар баара буоллар 60 сааһын туолан, үөрүүлээх күнүн   ырыа киэһэтинэн бэлиэтээн, дьонун- сэргэтин үөрдүөҕэ   хааллаҕа...  Василий  1-  Хомустаах нэһилиэгэр  1961 сыллаахха муус устар 12 күнүгэр      Алексей Петрович уонна Екатерина Гаврильевна дьиэ кэргэттэригэр бэһис о5онон төрөөбүтэ.1978 с. Хомустаах орто оскуолатын бүтэрэн , "Нам" совхозка рабочайынан үлэлии сылдьан, Советскай армия кэккэтигэр ыҥырыллыбыта. Сулууспалыыр кэмигэр Байкало – Амурскай магистралы тутууга сылдьыбыта, «За строительство БАМА» мэтээлинэн на5араадаламмыта.

Сулууспалаан кэлэн баран төрөөбүт- үөскээбит нэһилиэгэр хортуоппуй звенотугар тырахтарыыһынан, звеноводунан үтүө суобастаахтык үлэлээбитэ.  Тыа хаһаайыстыбатыгар үтүө суобастаах үлэтэ сыаналанан 2016 с. « Нам улууһун Тыа хаһаайыстыбатын сайдыытыгар кылаатын иһин» бэлиэнэн на5араадаламмыта.

1994 с.  бииргэ төрөөбүт убайа Иннокентий  Алексеевич Колесов  тэриммит « Көрдүгэн» бааһынай хаһаайыстыбатыгар тырахтарыыһынан  үлэлээбитэ.

2002 с. газооператор идэтигэр үөрэнэн  Намнаа5ы ГУП ЖКХ Хомустаахтаа5ы учаастагар газооператорынан үлэлээбитэ.

2012 с. пенсия5а тахсыар диэри Ленскэй нэһилиэк МАУ АРТ тэрилтэтигэр тырахтарыыһынан үлэлээбитэ. 

О5о эрдэ5иттэн олус үчүгэйдик ыллыыр буолан, төһө  даҕаны  ыарахан үлэ5э сырыттар, иллэҥ кэмигэр, соло буллар эрэ  уус – уран самодеятельноска кыттара. Нэһилиэккэ ыытыллар араас кэнсиэртэргэ,  тэрээһиннэргэ ылба5ай ырыатынан дьон биһирэбилин ылара. Доҕорунаан Игнат Афанасьевичтыын дуэттара  улууска, республикаҕа солбуллубат бастыҥ дуэттар буолбуттара. Ол курдук, " Ырыанан салама баайдарбын" айар киэһэлэрэ ыытыллыбыта,  2016 с. Василий  « Ырыа оло5ум аргыһа» айар киэһэтин  бар дьонугар бэлэхтээбитэ. 

Кэргэнинээн  Валентина Спиридоновналыын  уоллаах кыыс о5ону төрөтөн, сиэннэрин көрөн – истэн, саҥа дьиэ туттан  дьоллоох оло5у олорон ааста. Убаастыыр  киһибит сырдык мөссүөнэ, үтүө майгыта сүрэхпитигэр өрүү баар.