25 марта, 2021

Аалай уоттаах сулуһум

 

Кулун тутар 24 күнүгэр, " Алгыс" НАК Нам улууһугар комсомол тэриллибитэ 100 сылынан тахсыбыт " Аалай уоттаах сулуһум" 

кинигэ тула ааспыт кэм ахтылҕанын санаан ааһар иһирэх көрсүһүү тэрилиннэ. Тас көстүүтүттэн ис тутулугар тиийэ кичэллээхтик оҥоһуллубут, ол кэм историятын арылхайдык  кэпсиир кинигэни Намнааҕы П.И.Сивцев аатынан историко- этнографическай музей хомуйан,  оҥорон  таһаарда. Эппиэттиир редактор музей директора Александр Иванович  Копырин.  Биһиги нэһилиэкпититтэн бу кинигэ тахсыытыгар күүс - көмө буоллулар " Сайдыы" ОАДь иһинэн үлэлиир  кыраайы үөрэтэр музей педагог салайаачыта Надежда Васильевна Константинова уонна Д.Ф. Алексеев аатынан  орто оскуола музейын салайааччыта Саргылана Николаевна Винокурова. Истиҥ көрсүһүүгэ кинигэҕэ киирбит геройдарбыт, комсомол кэккэтигэр үлэлээбит дьоммут ыалдьыттаатылар. Кинигэ туһунан санааларын үллэһиннилэр, кинигэ тахсыытыгар үлэлэспит дьоҥҥо махталларын биллэрдилэр. Республикаҕа  биир бастакынан тахсыбыт,   киэҥ баай историялаах  комсомол кэмин кэпсиир кинигэ,   үгүс ыччакка үтүө холобур буолуо диэн эрэнэбит. 






Комментариев нет:

Отправить комментарий