Кукла тигиигэ маастар- кылаас

" Сатабыл" маастар - кылаас төрдүс күнэ бэйэтин тула кэрэ аҥардары түмэ тардан куукула тигиитигэр ананна.

Маастар - кылааһы Ньургуһун Васильева ыытта. Ньургуһун оҕо эрдэҕиттэн илиитигэр дьоҕурдаах буолан Намнааҕы педагогическай колледжка туттарсан  киирэн үөрэнэн, билигин сатаабата диэн суоҕун кэриэтэ. Эдэр ийэ илии оҥоһуктарынан дьарыктанан  иллэҥ кэмин туһалаахтык атаарар. Онтон биирдэстэринэн,  ордук сөбүлээбит дьарыга кукла тигиитэ буолар.  Билиҥҥи кэмҥэ ордук бэйэ илиитинэн оҥорбут киэргэлинэн, малынан дьиэ иһин тупсаҕай көстүүлээх оҥорор буоллубут, онтон биирдэстэрэ" интерьерная кукла"- , таҥастан тигиллибит сымнаҕас куукула буолар. Бу күн  тигии технологиятын кытта ыкса  билсэн, маастар - кылаас кыттыылаахтара хотуобай куукулаттан туох даҕаны итэҕэһэ суох кэрэчээн бэйэлээх куукулалары тигэн үөрэн- көтөн тарҕастыбыт. Оҕо сааспытын санатар куукула кыргыттарбыт оҥордох аайы тубустар - тупсан, киэргэнэн,  харахтара уоттаммыкка дылы буоллулар. Кэрэттэн кэрэ айыллар, кэрэни кэрэ аҥар кэрэхсиир!