Алена оҕо эрдэҕиттэн баайыынан, илиинэн араас оҥоһук оҥорорго умсугуйан туран дьарыгырар. Оскуолаҕа үлэ ( домоводство ) уруогун кэмигэр ылбыт үөрүйэхтэрин, кэлин бэйэтэ сайыннаран баайар, иистэнэр. Ордук сөбүлээн күрүчүөк баайыытынан дьарыктанар эбит. Бүгүҥҥү маастар - кылааска кэлбит истээччилэр анал сап, крючок илдьэ кэлэннэр баайыы техникатыгар үөрэнэн сумка баайан холоннулар. Кэрэ аҥардар маастар - кылаастан элбэҕи билэн- көрөн, үөрэн тарҕастылар. Салгыы Алена өссө биир сатабылын - кумааҕыттан корзина өрүүнү үөрэтиэн көрдөстүлэр уонна түгэн көһүннэр эрэ маастар- кылаас ыытыахпыт диэн болдьостубут. Ити курдук нэдиэлэ үһүс күнэ туһалаахтык, интэриэһинэйдик ааста. Санааны уурдахха барыта сатанар!
Комментариев нет:
Отправить комментарий