Саҥа сылы көрсө

 

Бүгүн ахсынньы 6 күнүгэр

Хомустаахпыт килбэйэр киинигэр турар 

харыйабыт уоттара саҥа сылы көрсө, дьону сэргэни үөрдэ сандаара умайда. Харыйа күлүмнэс уоттарын уматыы " Хомустаах Бастакы" нэһилиэгэ МТ баһылыга В.Г. Жирков эҕэрдэтиттэн саҕаланна.  Тымныы Моруос оҕонньор, сиэнэ кыыс  Хаарчааналыын лаглайбыт күөх  харыйа күлүмнэс уоттарын уматан саҥа сылга саҥа саҕахтары, саҥа эрэли,  элбэх баҕа санааны сахтылар. Бу кэннэ " Алгыс" НАК үлэһиттэрэ тэрийиилэринэн  Тымныы Моруос оҕонньор бирииһигэр " Угадай мелодию" күрэх ыытылынна. Ситим нөҥүө көрөөччүлэр күрэҕи сэргээн көхтөөх кыттыыны ыллылар, түмүккэ кыайыылааҕынан Салбаҥ нэһилиэгин олохтооҕо Ольга Эверстова тахсан харчынан бириэмийэни тутта. Бу курдук нэһилиэккэ кэлэр саҥа сылы көрсө тэрээһиннэр бэрт сэргэхтик саҕаланнылар,  хамсык кэмэ турарынан инстаграм  нөҥүө  онлайн форматынан ыытылыннылар.