Сахабыт сирин хайа баҕар улуустарын нэһилиэктэригэр өбүгэ үгэһин, ииһин бүгүҥҥү күҥҥэ дылы тута сылдьан үйэтитэр, сайыннарар түмсүүлэр бааллар. Дьахтар аймах айылҕаттан инньэни тутта да, бэйэтэ айылҕа араас оһуорун көрөн, таҥаска түһэрэр.
Ол курдук, бэс ыйын 10 күнүгэр 1-Хомустаах нэһилиэгэр "Алгыс" норуот айымньытын киинин тэрийиитинэн иистэнэр дьоҕурдаах кэрэ аҥардарга «Иис Куо» түмсүү салайааччыта Анастасия Барашкова көҕүлээһининэн, саҥа саҕалааччы иистэнньэҥнэри өйүүр, киэн эйгэҕэ таһаарар сыаллаах "Кэрэ & Көстүү" иис күрэҕин ыытта.
Улуустааҕы дьиэ кэргэн уонна ыччат политикатын отдела ( сал.Екaтерина Евстафьева) улуустааҕы дьахтар cэбиэтин бэрэссэдээтэлэ Ирина Винокурова, Бастакы Хомустаах нэһилиэгин дьахтар сэбиэтин бэрэссэдээтэлэ Татьяна Соловьева өйөбүллэринэн бу күрэх бастакытын ыытылынна. Күрэх кыттыылаахтара күн устата бэриллибит матырыйаалынан 1-Хомустаах нэһилиэгин «Татыйык» вокальнай ансаамбыл ырыаһыттарыгар аныгылыы моһуоннаах тройка сахалыы көстүүмү тигэн таһаардылар.
Күрэх сыаналыыр сүбэтигэр үлэлээтилэр
- «Алгыс» НАК сүрүннүүр методиһа, СР култууратын туйгуна, «Иис Куо» түмсүү салайааччыта Анастасия Касьяновна Барашкова.
- СР Үөрэҕэриитин туйгуна, «Учууталлар учууталлара» бэлиэлээх Валентина Павловна Яковлева.
- Иистэнньэҥ, урбаанньыт, Ленскэй нэһилиэк «Кукка» оҕо таҥаһын маҕаһыынын хаһаайката Ангелина Захаровна Лебедева.
Күрэххэ кыттыыны ыллылар:
1. Мария Алексеева - Никольскай
2. Анисия Трофимова - Ленскэй нэһилиэк
3. Наталья Иванова - Ленскэй нэһилиэк
4.Сардаана Находкина -- Хатыҥ-Арыы
5.Татьяна Захарова - 1-Хомустаах
6. Юлия Иванова - 1-Хомустах
7.Сияна Слепцова-1-Хомустаах
Күрэх 10:00 ч. саҕаланна, хас биирдии кыттааччы бэйэтин иистэнэр уонна оверлочнай массыынатын аҕалан үлэлээтэ. Күрэх түргэн тигиигэ буолбакка, хаачыстыбатын уонна тигии технологиятын тутуһуу буолар, дьүүллүүр сүбэ учуоттаан, көрөн , сыаналаан кыайыылааҕы быһаарда. Ол курдук, кыайыылааҕынан ааттана Лнскэй нэһилиэктэн кыттаачы Наталья Иванова. Күн устата тигиллиби көстүүмнэри ансаамбыл кыттааччылара дьоҥҥо -сэргэҕэ кэтэн көрдөрдүлэр. Күрэх кыттаачылара спонсордар ааттарыттан бэлэхтэри туттулар, өссө даҕаны маннык тэрээһиннэр ыытылла туралларыгар санааларын эттилэр. Бары кыттааччыларга, спонсордарга махталбытын биллэрэбит!
Комментариев нет:
Отправить комментарий