Бүгүн бэс ыйын 1 күнэ - Аан дойду үрдүнэн Оҕо көмүскэлин күнэ бэлиэтэннэ.
Бу күн чэрчитинэн "Алгыс" НАК пааркатыгар оҕолорго аналлаах сэргэх тэрээһин ыытылынна. Сарсыардаттан ылааҥы күн буолан дьон-сэргэ санаатын өрө көтөхтө, оҕо-аймах тоҕуоруһа муһунна.
"Мичээр" ансаамбыл орто уонна кыра бөлөҕүн иитиллээччилэрэ флешмоб үҥкүүнэн үөрүүлээх тэрээһини арыйдылар.
" Сайдыы" ОАДь уһуйааччылара оҕолорго маастар кылаас ыыттылар, "Аквагрим" үлэлээтэ, уруһуй күрэҕин быыстапката турда. Нэһилиэккэ оҕо сайыҥҥы сынньалаҥын туһунан Д. Ф. Алексеев аат. 1-Хомустаах орто оскуолатын директоры иитэр үлэҕэ солбуйааччы Ю. Г. Винокурова, Эйгэ" модельнай библиотека сэбиэдиссэйэ Н. Д. Жиркова, " Сайдыы" ОАДь уһуйааччыта А.В.Избекова иһитиннэрии оҥордулар, маассабай оонньуулары ыыттылар. Бэлиэ күн ырыанан- үҥкүүнэн эҕэрдэлэрин тириэртилэр Злата Олесова , Дыгын Барашков, Дамир Ховров , "Мичийээнэ" уһуйаан иитиллээччилэрэ," Улыбка" уһуйаан выпускниктара , " Күнчээн" образцовай үҥкүү коллектива, орто оскуола бастакы кылааһын түмүктээбит үөрэнээччилэр. "Үргэл" общественнай түмсүү салайааччыта Т.А.Березкина доруобуйаларынан хааччахтаах оҕолорго тэрилтэлэр ааттарыттан бэлэхтэри туттартаата.
Быйыл нэһилиэкпитигэр улууспут бастакы баһылыга, "Нам" совхоһу өр сылларга салайбыт Д. Ф. Алексеев төрөөбүтэ 90 сылын көрсө "Үлэ уонна бигэ турук" сыла биллэриллибитэ. Бу сыл чэрчитинэн Оҕо искусствотын оскуолата оҕолорго анаан " Үлэнэн дьолломмут, бигэ туруктаах төрөөбүт нэһилиэгим" уруһуй күрэҕин тэрийэн ыытта. Күрэх кыайыылаахтара бу күн наҕараадаларын туттулар.
Күндү көмүс оҕолорбут - эрэллэрбит! Көмүскэллээх, бары өттүнэн сайдыылаах, киэҥ билиилээх, чэгиэн туруктаах, чөл өйдөөх-санаалаах буола улаатыҥ!
Комментариев нет:
Отправить комментарий