Күөххэ үктэнэр Ньукуолун күнүнэн "Түмсүү" балаҕан тиэргэнигэр үтүө тэрээһин ыытылынна. Тэрээһиҥҥэ "Ыам ыйын Айыыта -Иэйиэхсити иҥэрии" сиэрэ - туома ыытылынна, алгыстаах оһуохай түһүлгэтэ олохтонно. Кэлбит ыалдьыттар кус миининэн, арыылаах алаадьынан, балыгынан күндүлэнэн күөх сайыммытын үөрэ көрүстүбүт. Тэрээһиҥҥэ кыттыыны ыллылар "Умсулҕан" фольклорнай студия ( 6 кылаас) үөрэнээччилэрэ, ылбаҕай ырыанан эҕэрдэлэрин тиэртилэр Елена Каменева, Анастасия Барашкова, Надежда Васильева, Клавдия Кривошапкина, Сардаана Попова. Бу күн "Эркээйи эргиирэ" бырайыагынан оҕолорго собо балыгы ыраастааһыҥҥа , үөһүн ылыыга маастар кылааһы Екатерина Борисова ыытта. Бүгүҥҥү тэрээһиҥҥэ куһунан, балыгынан күндүлээбит нэһилиэкпит эр дьонугар - Николай Азаровка, Семен Петровка, Николай Сивцевка, Айкар Колесовка, Евгений Новгородовка, Семен Чичигинаровка тэрийээччилэр ааттарыттан махталбытын биллэрэбит.
Комментариев нет:
Отправить комментарий