МБУ ЦНТ "Алгыс" с. Кысыл- Сыр, Намского улуса

 

Аан дойдутааҕы үҥкүү күнүн көрсө ыытыллыбыт "Үҥкүүлүүр Бастакы Хомустаах" эҕэрдэ кэнсиэргэ аан бастакытын үҥкүүһүт уоланнар икки ардыларыгар "Чохчоохой Баттл"  күрэх ыытылынна. Үҥкүү коллективтара биир- биир саха таптыыр үҥкүүтүн чохчоохойу толордулар. 

Түмүккэ көрөөччү СМС куоластааһынынан  кыайыылааҕынан таҕыстылар Хатыҥ- Арыы нэһилиэгиттэн Оҕо искусствотын оскуолатын иһинэн үлэлиир "Хатыҥчаана" үҥкүү коллектива ( сал. А. Ноговицына). Кыайыылаахтар тэрийээччилэр ааттарыттан харчынан бириэмийэ туттулар.

Бу киэһээ кыттыыны ыллылар  "Улыбка" уһуйаан иттиллээччилэрэ, А. Окоемов аатынан "Мичээр"  народнай ансаамбыла, "Күнчээн"  образцовай үҥкүү ансаамбыла, "Чэбдик"  үҥкүү коллектива уонна  уус- уран самодеятельноһы көрүү фестивальнай концерыгар туруоруллубут  үҥкүүлэр коллективтара.

Үҥкүү түһүлгэтэ көрөөччү биһирэбилин, махталын  ылыан ылла. Үҥкүүнү таптаан, үҥкүүгэ сүгүрүйүҥ.