Быйыл "Нам" совхоз төрүттэммитэ 65 сылын көрсө Бастакы Хомустаах, Партизан, Таастаах , Үөдэй нэһилиэктэригэр араас хабааннаах тэрээһиннэр ыытылла тураллар. Ол курдук, муус устар 5 күнүгэр "Алгыс" НАК тэрийиитинэн “Үлэни уруйдаан” “Нам” совхоз чемпион үлэһиттэрэ кыттыылаах эр хоһууннар кэнсиэрдэрин арыйдылар саҥа тэриллибит тыыннаах доҕуһуол бөлөҕө. Кэнсиэри иилээн- саҕалаан ыытта совхозка "Производство - ВУЗ- Үрдүк" үөрэх бачыымынан үлэлээн саҕалаабыт биир дойдулаахпыт Елена Корякина. Кэнсиэргэ кыттыыны ыллылар: А.Окоемов аатынан "Мичээр" ҮНА , Партизан нэһилиэгиттэн Максим Винокуров, Алгыс Байдам Арылхан уола, Үөдэй нэһилиэгиттэн Карл Свинобоев, Геннадий Игнатьев, Бастакы Хомустаахтан Роман Леонтьев, Виктор Рожин, Федор Петров, Николай Суздалов, Петр Аргунов , эдэр ыаллар Күннэй, Николай Лихановтар уонна Зоя, Михаил, Дыгын Барашковтар.
Бу киэһээ саҥа тэриллибит тыыннаах доҕуһуол бөлөҕө көрөөччү сүргэтин көтөхтө. Бөлөх састааба- ударнай Саша Рязанскай, ритм гитара Радомир Лиханов, соло гитара Иван Милютин, клавиша Марина Охлопкова, бас гитара Максим Винокуров, солистар Василий Жирков, Максим Винокуров, Саша Рязанский, Иван Милютин.
Комментариев нет:
Отправить комментарий