- Олунньу 28 күнүгэр үтүө үгэскэ кубулуйбут «Нэһилиэк күнэ» үөрүүлээх тэрээһинҥэ саалаҕа дьон – сэргэ тоҕуоруһа муһунна. Нэһилиэк күнэ 2006 сылга Александр Павлович Атласов нэһилиэк баһылыгын дуоһунаһыгар киирэр инаугурациятыгар уураах ылынан, 2007 сылтан быйыл 19-с төгүлүн ыытылынна.
Киирээти кытта атыы- эргиэн дьаарбаҥката тэрилиннэ, “Чемодан в музее” быыстапка турда. Тэрээһини Бастакы Хомустаахтан төрүттээх СР культуратын туйгуна Саргылана Пономарева “Ыалдьытымсах Нам сирэ” ырыанан арыйда. Бу күн ааспыт 2024 сыл түмүгүнэн общественнай үлэҕэ уонна араас хайысха салаатыгар ситиһиилээх дьоммут бэлиэтэннилэр. Бастыҥтан бастыҥ дьоммутугар анал ааттар, үтүө үгэс буолбут дьиэ кэргэттэр ааттарыттан анал стипендиялар туттарылыннар. Тэрээһин иккис чааһыгар үлэ тэрилтэлэрин икки ардыларыгар Улуу Кыайыы 80 сылыгар анаммыт фестиваль ыытылынна. Түмүккэ учаастактааҕы балыыһа, баһаарынай чаас, оҕо искусствотын оскуолата холбоһуктаах бөлөх кыайыылааҕынан таҕыстылар.
- Кулун тутар 1 күнүгэр “Саха” көрдөрөр – иһитиннэрэр хампаанньа ыытар “Эн сулускун” телевизионнай күрэххэ Анастасия Барашкова кыттыыны ылан иккис түһүмэххэ ааста. Аныгыскы сүүмэрдээһин биэриитэ кулун тутар 29 күнүгэр ыытыллар. Бука барыгытын куоластыырга ыҥырабыт.
- Кулун тутар 4 күнүгэр култуура үлэһиттэригэр улуустааҕы дартс, ытыы, корнхолл күрэҕэ ыытылынна. Барашкова А.К. дартс көрүҥэр 3 бочуоттаах миэстэни ылла. Бу күн “Сүбэ холбуката” бырайыак чэрчитинэн эпоксиднай сымалаттан араас киэргэллэри оҥорууга маастар кылаас ыытылынна.
- Кулун тутар 5 күнүгэр Дьокуускай куоракка сахалыы таҥастаах күргүөм хаамыыга нэһилиэктэн “Иис Куо” ( сал. А.К.Барашкова) түмсүүттэн кыттыыны ыллылар.
- Кулун тутар 12 күнүгэр "Куйаар Хомус" аһаҕас күрэххэ кыттыыны ыланнар Федот Алексеев иккис үрдэл, Ирина Москвитина иккис үктэл буоллулар (сал. Е.И. Руфова). Бу сонун барыайык ааптарынан , тэрийээччитинэн Намнаа5ы З.П.Винокуров аатынан О5о искусствотын оскуолатын фольклор кылааhын уhуйааччыта, хомусчут С.В. Колодезникова буолар.
- Кулун тутар 13 күнүгэр "Нам" совхоз төрүттэммитэ 65 сылынан "Кэм кэрдии кэрчиктэринэн" быһа эфир ыытылынна. Биэриигэ ыалдьыттаатылар үлэ ветераннара, араас кэмнэргэ совхозка үлэлээбит дьоммут.
- Кулун тутар 15 күнүгэр “Саха” көрдөрөр – иһитиннэрэр хампаанньа ыытар “Эн сулускун” телевизионнай күрэххэ Федот Алексеев ситиhиилээхтик кыттыыны ылла.
- Бу күн "Уруйдан, улуу Олонхобут !" олоҥхону үгэс быһыытынан уонна биирдилээн толорууга аһа5ас Өрөспүүбүлүкэтээ5и ХХ бэстибээлгэ Е.И. Руфова үһүс үрдэл буолла. Бу бэстибээлгэ биир дойдулаахпыт Яна Нюргусова бастакы үрдэл ааты ылла.
Комментариев нет:
Отправить комментарий