Төрөөбүт төрүт
тыл,
Сөрүүн сүөгэй
курдук,
Сүрэҕи – быары
сөрүүргэтэр ...
Күндэ хоһооно, чахчы да, сахабыт тыла саха саҥалаахха олус күндүтүн, ураты күүстээҕин, кэрэтин этэр, төрөөбүт төрүт тылбытын харыстыырга ыҥырар.
Бүгүн төрөөбүт төрүт тыл күнүгэр нэһилиэкпит общественнай түмсүүлэрин икки ардыларыгар, “Саха” көрдөрөр – иһитиннэрэр хампаанньа ыытааччыта Георгий Белоусов бырайыагынан “Кини кимий?” оонньууну нэһилиэкпит общественнай түмсүүлэрин икки ардыгар аан бастакытын ыытылынна. Оонньууга "Эр сомоҕо" аҕалар түмсүүлэрэ, аҕам саастаахтар сэбиэттэрэ, "Үргэл" инбэлииттэр түмсүүлэрэ, "Ньургуһун" түмсүү, "Үс түмсүү" дьүөгэлэр, нэһилиэк дьахталларын сэбиэтэ үстүү кыттааччылаах уопсайа алта хамаанда кытыннылар. Түмүккэ элбэх хоруйга сөпкө эппиэттээн, аҕам саастаахтар сэбиэттэрэ уонна "Эр сомоҕо" аҕалар түмсүүлэрэ муҥутуур кыайыылааҕынан ааттаннылар. Бүгүҥҥү тэрээһини "Улыбка" оҕону сайыннарар киин иккис нүөмэрдээх оҕо уһуйаанын коллектива (салайааччы Баишева Н.М.), Д.Ф.Алексеев аатынан Бастакы Хомустаах орто оскуолатын үөрэнээччилэрэ (салайааччылар Кривошапкина Ж.А., Баишева В.И.) хоһоонунан, ырыанан киэргэттилэр. Түмүккэ ОҺУОХАЙ түһүлгэтэ тэрилиннэ, оһуохайы Ирина Николаева, Урсун Винокуров таһаардылар.
Комментариев нет:
Отправить комментарий