Сандал сааһы көрсө ыытыллыбыт тэрээһин бэрт сэргэхтик ааста. Ол курдук, түөлбэлэр икки ардыларыгар Блинная башня, Арт - Матрешка , Канат тардыһыытын күрэхтэрэ нэһилиэк олохтоохторун түмэ тарта. Элбэх көрөөччүнү , кыттааччыны умсугуппут күрэҕинэн Массыына соһуутун чемпионата буолла. Манна эр дьоҥҥо Радомир Лиханов, кэрэ аҥардарга Мария Рожина, оҕолорго Диана Соловьева тэҥнээхтэрин булбатылар, ону сэргэ "Бой подушками" күрэххэ, саас туһунан хоһоон ааҕыытыгар оҕолор көхтөөхтүк кыттаннар, кыайыылаахтар минньигэс бэлэхтэри туттулар.
Тэрээһин үөрүүлээх аһыллыытыгар "Дьулуур" түөлбэ аатыттан Федот Алексеев ыллам ырыатынан бар дьону эҕэрдэлээтэ, культура киинин үлэһиттэрэ Сандал саас кэлиитин уруйдуур остуоруйаны көрдөрдүлэр.
Хаатыҥканы ыраах быраҕыы күрэҕэр кыайыылаахтарынан таҕыстылар улахан дьоҥҥо Мичил Максимов, оҕолорго Владик Мамаев. Түөлбэнэн күрэх түмүгэр , "Блинная башня" күрэххэ 1 миэстэни "Дьулуур", 2 м. "Чагда", 3 м." Саһарҕа" түөлбэ ыллылар.
Канат тардыһыытыгар:
1 м. "Чагда",
2 м."Дьулуур",
3 м. "Кустук"
Арт -Матрешка оҥоруутугар:
1 м. "Саһарҕа",
2 м. "Үрдэл" ,
3 м. "Дьулуур".
Уопсай түмүккэ
1 м. "Дьулуур"
2 м. "Саһарҕа"
3 м. "Чагда" тахсаннар бириистэринэн, мэтээлинэн наҕараадаланнылар. Тэрээһин ыытыллыытыгар күүс - көмө буолбут түөлбэ салайааччыларыгар, минньигэс бириииһинэн , тордунан хааччыйбыт Надежда Прокопьеваҕа, Елена Охлопковкаҕа уонна массыына соһуутун чемпионатыгар көмөлөспүт Леонид Олесовка барҕа махталбытын биллэрэбит! Чэгиэн, чэбдик буолуохха, дьоҥҥо- сэргэҕэ үөрүүнү бэлэхтиэххэ!
Комментариев нет:
Отправить комментарий