Кулун тутар 25 күнэ- Дойду үрдүнэн культура үлэһиттэрин идэлээх күнэ бэлиэтэнэр. Бу күн чэрчитинэн Хатырык нэһилиэгэр кулун тутар 27 күнүгэр М. К.Аммосов аатынан культурнай- спортивнай киинҥэ культура эйгэтин үлэһиттэригэр үөрүүлээх тэрээһин ыытылынна.
2023 сыл түмүгүнэн бастын үлэлээх культура тэрилтэлэрэ, үлэһиттэрэ на5араадалары туттулар, бэлиэтэннилэр.
«Алгыс» НАК 2023 сыл түмүгүнэн улууска улахан нэһилиэктэргэ «Бастын үлэлээх культура тэрилтэтэ» курэххэ кыайыылаа5ынан тахсан 100 000 солк. сертификатынан на5араадаланныбыт.
«Путь к успеху» улуустаа5ы уус- уран салайааччылар курэхтэригэр кыттыыны ылан Филиппова Т.Ф. бастакы миэстэни ылла. Күрэх уопсайа 5 түһүмэхтэн турда, ол курдук бырайыак көмүскээһинэ, боппуруостарга эппиэт, бэйэни билиһиннэрии, уус- уран салайааччы үлэтин күнүн кэпсиир проморолик уонна творческай түһүмэх.
Культура үлэһиттэрин идэлээх союһа тэрийбит «Топовые фильмы СССР» күрэххэ 3-с бириистээх миэстэни ыллыбыт.
2023 сыл түмүгүнэн «Лучший профсоюзный лидер» анал ааты директор Мылаханова А.Г. тутта, ону сэргэ Республикатаа5ы культура үлэһиттэрин идэлээх союһун Махтал суругунан бэлиэтэннэ худуоһунньук Рожина Е.В.
Улууска улэлии- хамныы турар народнай коллективтары өйүүр сыаллаах «Нам улууһа» МТ культура5а уонна духуобунай сайдыыга управленията хас биирдии народнай коллективка 50 000 солк. сертификаттары туттарда, А.Н.Окоемов аат. "Мичээр" ҮНА биир бастакынан тутта.
.jpg)
Ситиһиилэр сиэттиһэн кэлэ тураллар. Ол курдук, бу күн Дьокуускай куоракка культура үлэһиттэрин, тэрилтэлэрин бэлиэтиир үөрүүлээх чааска «Лучший работник сельских учреждений культуры» күрэх түмүгүнэн кыайыылаа5ынан фольклор специалиһа Руфова Е.И. та5ыста, маны сэргэ А.Н.Окоемов аат. "Мичээр" ҮНА «Лучший самодеятельный творческий коллектив» анал ааты ылла.
Биһиги ситиһиилэрбит- бүттүүн нэһилиэкпит ситиһиитэ! Махтанабыт бар дьоммутугар!
Комментариев нет:
Отправить комментарий