- Ийэ тыл, сурук- бичик күнүн көрсө үлэ тэрилтэлэрин икки ардыларыгар Тыл оонньуута интеллектуальнай күрэх ыытылынна. Тэрийээччилэр "Эйгэ" модельнай библиотека. Күрэххэ 5 киһиттэн турар, 7 хамаанда кыттыыны ыллылар. Кыттааччылар бука бары сахалыы таҥнан, хамаанда аатын, девиз толкуйданан, биэс түһүмэххэ күөн көрсүстулэр. Түмүккэ "Алгыс" НАК хамаандата кыайыылааҕынан таҕыста.
- Олунньу 10 күнүгэр Хаҥалас улууһун Покровскай куоратыгар өрөспүүбүлүкэтээ5и "Ытык Чыыбыстаан" фольклор күрэһэ ыытылынна. Уопсайа 96 заявка киирэн 263 кыттааччы. Биһиги нэһилиэкпититтэн "Алгыс" Норуот Айымньытын киинин иһинэн тэриллэн үлэлиир "Айар аартык" фольклор бөлө5ө норуот ырыатыгар 2-үрдэл уонна тойукка 2-үрдэл ааттары ылан үрдүк ситиһиилэннэ. Ону таһынан Ирина Николаева " Муҥутуур кыайыылаах" үрдүк аат хаһаайката буолла. Ону таһынан "Сайдыы" ОАДь "Умсул5ан" фолькл.студията, сал.Аргунова А.Д., о5о искусствотын оскуолатын фольклорнай кылааһа, сал. Винокуров У.Н. Бу улахан күрэххэ баран нэһилиэктэрин аатын ааттаппыт талааннаах дьоммутугар э5эрдэбитин тиэрдэбит!
Комментариев нет:
Отправить комментарий