Устудьуон күнүн чэрчитинэн ыччакка, оскуола үөрэнээччилэригэр анаммыт "Я будущий студент" тэрээһин "Алгыс" НАК көҕүлээһининэн ыытылынна. Бу күн нэһилиэкпит устудьуоннара үөрэхтэрин, устудьуон олоҕун туһунан оскуола үөрэнээччилэригэр сырдаттылар, идэни талыыга сүбэлэри биэрдилэр.
Тэрээһин иккис чааһыгар хамаанданан, биэс түһүмэхтээх квиз- оонньуу ыытылынна, ону сэргэх маассабай оонньуулар тэриллиннилэр. Квиз оонньуу түмүгүнэн бастакы миэстэни И.Е. Винокуров аат. Намнааҕы педагогическай колледж устудьуоннарын хамаандата ылла, иккис миэстэни Д.Ф. Алексеев аат. Бастакы Хомустаах орто оскуолатын үөрэнээччилэрин хамаандата, үсүһү З.П.Саввин аат. Үөдэй орто оскуолатын үөрэнээччилэрин хамаандата. Тэрээһин ыытылларыгар күүс - көмө буолбут Бастакы Хомустаахтааҕы "Эйгэ" модельнай библиотека коллективыгар, устудьуон ыччаттарбытыгар Светлана Филипповаҕа, Константин Борисовка, Аэлита Стручковаҕа, Диана Азароваҕа, ыччат лидерыгар Е. А. Скрыбыкинаҕа, спонсор Поповтар ( "Астык food") дьиэ кэргэҥҥэ махталбытын биллэрэбит!
Комментариев нет:
Отправить комментарий