Саҥа сылы көрсө "Алгыс" НАК тэрилтэлэр, түөлбэлэр, общественнай түмсүүлэр, уус- уран самодеятельность кыттыылаах араас хабааннаах тэрээһиннэр үрдүк таһымҥа ыытылыннылар.
Ол курдук, ахсынньы 30 күнүгэр тэрилтэлэр икки ардыларыгар "Золотой граммофон" биэс түһүмэхтээх караоке- батл күрэ5э бэрт интэриэһинэйдик ааста. Уопсайа биэстии киһилээх сэттэ хамаанда кытынна. Уопсай түмүккэ кыайыылаа5ынан "Улыбка" уһуйаан коллективын хамаандата та5ыста, ону тэҥэ "Лучший дракон" кэлбит сыл бэлиэтин дьүһуйүүтүн көрдөрүүгэ бастыҥнарынан ааттаннылар "Мичийээнэ" уһуйаан коллективын хамаандата. "Лучший костюм" анал ааты 1-Хомустаах участковай балыыһатын коллективын хамаандата, "Лучшая группа поддержки" анал ааты Д.Ф.Алексеев аатынан 1-Хомустаах орто оскуолатын коллективын профсоюһун комитета туттулар. Бу киэһээ маны сэргэ түөлбэлэр икки ардыларыгар "Строганина" күрэх ыытылынна. Биэс түөлбэ икки киһиттэн турар хамаандалара балыгы кыһыыга уонна бүлүүһэ5э сааһылаан ууруга күрэхтэстилэр. Түмүккэ балыгы кыһыыга "Чагда" түөлбэ олохтоо5о Иннокентий Марков, сааһылаан уурууга ( башня) "Саһар5а" түөлбэ олохтоо5о Вероника Сысолятина та5ыстылар. Бу киэһээ көрөөччүлэр тэрилтэлэр толорууларыгар араас кэминээ5и ырыалары дуоһуйа истэн, тоҥ балыгынан күндүлэнэн дуоһуйа астынан тар5астылар.
Тохсунньу 1 күнүгэр, Л.Гайдай "Иван Васильевич меняет профессию" кинокомедията экранҥа көстүбүтэ 50 сылынан, бу киинэ5э оло5уран "Вдруг как в сказке" мюзикл туруоруллан, элбэх эдэр ыччат кыттыыны ылан, көрөөччү биһирэбилин ылла. Сүрүн оруолу оонньоото Иван Барабанский.
Тохсунньу 5 күнүгэр, кырачаан о5олор Тымныы Моруос, Хаарчаана уонна кэлбит сыл бэлиэтэ, мультфильм геройа Дракоша Тоша сэргэх оонньууларыгар ыалдьыттаатылар, киинэ саалатыгар "Супермозг" остуоруйа5а то5уоруһа муһуннулар. Бу күн "Түмсүү" бала5аҥҥа А5ам саастаах дьоммут Сана дьыллаа5ы күөх уот бырааһынньыгар мустан ырыа- тойук аргыстаах атаардылар. Маскарад, урукку кэминээ5и саҥа дьыллаа5ы открытка5а , харыйа оонньууругар курэхтэр ыытылыннылар. Бу күн 90 сааһын томточчу туолбут ытык кырдьа5аспыт Гаврильев Николай Семенович төрөөбүт күнүн бэлиэтээтэ, икки көстүүмүнэн маскарад күрэ5эр кыттан дьону- сэргэни үөртэ, үрдүккэ кынаттаата.
Тохсунньу 7 күнүгэр, "Ороһооспо бэлэ5э" улахан бириистээх оонньуу кулууп саалатыгар , ону тэҥэ Ютуб каналынан быһа эфиргэ холбоммут көрөөччүлэри түмэ тарта. 100 - туу тыһыынча үс сүрүн бириис хаһаайыннарынан буоллулар Партизан нэһилиэгиттэн Протопопова Саргылана Петровна , Атласова Александра Семеновна , 1-Хомустаах нэһилиэгиттэн Попова Маргарита Герасимовна. Оонньуу сурун спонсора "РИЦ " риэлторскай хааччахтаммыт эппиэтинэстээх тэрилтэ.
Тохсунньу 12 күнүгэр, фокусник- иллюзионист Алексей Гольдеров "Магия шоу" киэһээни бэлэхтээтэ, остуоруйа алыптаах, дьикти дойдутугар кырачааннары ыадьыттата, киһини соһутар, дьиксиннэрэр нүөмэрдэринэн көрөөччүлэри сөхтөрдө.
Тохсунньу 14 күнүгэр, үгэскэ кубулуйбут "Саҥа дьыл ча5ылхай кыымнара" киэһэнэн нэһилиэккэ сана дьыллаа5ы тэрээһиннэр түмүктэннилэр. Бука бары кыттыыны ылбыт дьоммутугар, күндү көрөөччүлэрбитигэр кэлбит сылга байылыат оло5у, самныбат санааны ба5арабыт! Кэрэни кэрэхсээн, үтүө эйгэлиин эйэргэһин! Талаан тыллар туонатыгар дьулуһун!
Комментариев нет:
Отправить комментарий