Ахсынньы 17 күнүгэр Нэһилиэккэ культура киинэ арыллыбыта 55, таас кулууп үлэ5э киирбитэ 35 сылларын бэлиэтиир үбүлүөйдээх тэрээһин толору көрөөччүлээх саала5а ытыс дохсун тыаһынан ыытылынна. Тэрээһин күндү ыалдьыттарынан буоллулар «Хомустаах Бастакы» нэһилиэгэ Муниципальнай Тэриллии баһылыга ВАСИЛИЙ ГАВРИЛЬЕВИЧ ЖИРКОВ, СР культура5а уонна духуобунай сайдыыга министерствотын олохтоох бэйэни салайыныыны кытта бииргэ үлэлэһии уонна социокультурнай үлэ отделын салайааччыта ВЕРА АФАНАСЬЕВНА МОИСЕЕВА, Республикатаа5ы норуот айымньытын дьиэтин директора СЕРГЕЙ СТЕПАНОВИЧ СЕМЕНОВ, «Нам улууһа» МТ баһылыгын солбуйааччыта ФИЛИПП ВАСИЛЬЕВИЧ НИКОЛАЕВ, «Нам улууһа» МТ культура5а уонна духуобунай сайдыыга управлениятын начальнига СЕМЕН ПРОКОПЬЕВИЧ ЯДРИХИНСКАЙ, Нам улууһун культуратын үлэһиттэрин идэлээх союһун председателэ АЛЕКСАНДРА АЛЕКСЕЕВНА ПАРНИКОВА уонна өр сылларга культура эйгэтигэр үлэлээбит ветераннар, коллегалар, нэһилиэк тэрилтэлэрин салайааччылара, культура кииннэрин директордара.
Культура киинин фойетыгар ааспыт кэми ахтан- санаан ааһар , "Мичээр" ансаамбыл, "Алгыс" НАК үлэтин-хамнаһын билиһиннэрэр быыстапка турда. Тэрээһин СР суруйааччыларын Союһун чилиэнэ Алексей Татаринов -Удьур5ай культура үлэһиттэригэр анабыл хоһоонунан са5аланна. Үөрүүлээх чааска культура эйгэтин үлэһиттэрэ айымньылаах үлэлэрин, үрдүк ситиһиилэрин иһин на5араадалары туттулар. Ол курдук, СР Ил Түмэн бочуотунай грамотатын туттулар сүрүннүүр методист Барашкова А.К, фольклор специалиһа Руфова Е.И., "Нам улууһа" МТ культура5а уонна духуобунай сайдыыга начальнигын солбуйааччы, өр сылларга культура киинигэр директорынан улэлээбит Новгородова А.Н., культура киинин директора Мылаханова А.Г. СР культура5а уонна духуобунай сайдыыга министерствотын бочуотунай грамотатынан на5араадаланнылар уус-уран салайааччы Филиппова Т.Ф, А.Окоемов аат. "Мичээр" ансаамбыл администратора Ощепкова Нь.И, худуоһунньук - оформитель Рожина Е.В. Уус-уран самодеятельность актыыбынай кыттыылаа5ар, сцена ветераныгар Мария Афанасьевна Корякина5а Республикатаа5ы норуот айымньытын дьиэтин директора Семенов С.С. "За вклад в развитие народно художественного творчества РС (Я) " бэлиэ туттарбыта дьон-сэргэ биһирэбилин ылла. «Нам улууһа» МТ баһылыга Слепцов Ю.И. махтал суругунан бэлиэтэннилэр профсоюзнай комитет председателэ Баишева Р.С., вокал специалистара Тумусова С.П., Охлопкова М.В. «Нам улууһа» МТ культура5а уонна духуобунай сайдыыга управлениятын бочуотунай грамотатынан на5араадаланнылар Охлопкова О.Г., Борисова Е.В. Нам улууһун культуратын үлэһиттэрин идэлээх союһун махтал суругунан Васильев И.И., Республикатаа5ы "Лига отцов" түмсүү боучотунай грамотатын Захаров А.А. туттулар. Өр сыллаах, таһаарыылаах үлэлэрин иһин түөскэ кэтэр знактарынан бэлиэтэннилэр: Барашкова А.К."СР Культуратын туйгуна", Руфова Е.И., Мылаханова А.Г "За вклад в развитие МО "Хомустахский 1-ый наслег", Никифорова А.И "Почетный работник культуры Намского улуса" , Баишева Р.С "За вклад в развитие профсоюза работников культуры Якутии" .
Тэрээһини иилээн- са5алаан ыыттылар биир дойдулаахпыт, А.Шестаков аат. Улуустаа5ы норуот айымньытын дьиэтин специалиһа Мария Петрова уонна Намнаа5ы З.П.Винокуров аат. О5о искусствотын оскуолатын преподавателэ Павел Винокуров.
Кэнсиэргэ кыттыыны ыллылар "Алгыс" НАК иһинэн улэлиир коллективтар- "Сарыада", "Татыйык", "Дохсун", "Чэбдик", "Мэскэйдэр", "Талбаана", "Ымыы", "Төрүт дор5оон", "Күндүүнэ", А.Окоемов аат. "Мичээр" ҮНА иитиллээччилэрэ, ыччат бөлө5ө. Уус-уран самодеятельность актыыбынай кыттыылаахтара - Галина Алексеева, Клавдия Кривошапкина, Виктор Рожин, Анастасия, Петр Агуновтар дьиэ кэргэттэрэ. Ону сэргэ "Күнчээн" үҥкүү коллектива, "Умсул5ан" фольклор студията, 1-Хомустаахтаа5ы участковай балыыһа коллектива. Отучча нүөмэрдээх, сэргэх кэнсиэртэн дьон-сэргэ дуоһуйа сынньанан тар5астылар. Талаан тыллар туонатын кэрэ киэһэтэ СР суруйааччыларын союһун чилиэнэ Н.Федотов -Уран Утум хоһоонунан тумуктэннэ.
Комментариев нет:
Отправить комментарий