Сэтинньи ый 23 күнүгэр Горнай улууһун Бэрдьигэстээҕэр, Сэмэн уонна Софрон Даниловтар ааттарынан Духуобунас киинигэр " Үйэлээх олоҥхо дуорайдын" диэн өрөспүүбүлүкэтээ5и олоҥхо күрэ5э үрдүк таһымнаахтык ыытылынна.
Бу тэрээһин Олоҥхо декадатыгар уонна Горнай улууһун Ийэ олоҥхоһута, тойуксута, алгысчыта Н.М.Тарасов 95 сылыгар ананна. Күрэххэ Мэҥэ-Хаҥаластан, Намтан, Горнай улууһун Бэрдьигэстээ5иттэн, Одуну, Соло5он, Кировскай нэһилиэктэриттэн биирдиилээн уонна бөлөҕүнэн олоҥхо толорооччулар кытыннылар. Дьүүллүүр сүбэҕэ өрөспүүбүлүкэтээҕи Олоҥхо кииниттэн З.Г.Сысолятина, У.М. Флегонтова, А.Д.Макарова аат.Култуура уонна Искусство колледжыттан үрдүк категориялаах уһуйааччы А.Н.Васильева үлэлээтилэр. Бу улахан күрэххэ биһиги нэһилиэктэн "Алгыс"НАК фольклорга специалиһа Елена Руфова П.П.Ядрихинскай-Бэдьээлэ "Дьырыбына Дьырылыатта" олонхотунан кытынна уонна улахан дьон бөлөхтөрүгэр 1 үрдэл ааты ылан 10 тыһ.сертификатынан уонна тэрийээччилэр Кировскай нэһилиэгин аатыттан махтал суругунан, анал бирииһинэн наҕараадаланна. Ону таһынан биир дойдулаахпыт, Олоҥхо театрын артыыһа, талааннаах олоҥхо толорооччу Яна Нюргусова кыттан эдэрдэргэ 3 үрдэл аат буолла уонна 7 тыһ.сертификатынан на5араадаланна.
Саханы Саха дэппит Олоҥхо күннэринэн бары нэһилиэкпит олохтоохторун э5эрдэлиибит!
Комментариев нет:
Отправить комментарий