Алтынньы 12 күнүгэр "Хомустаах Бастакы" нэһилиэгэр "Алгыс" норуот айымньытын киинэ саҥа үлэ сылыгар айар сезонун арыйар ырыа-тойук, үҥкүү-битии аргыстаах дьоро киэһэтэ ыытылынна. Кэнсиэргэ норуот айымньытын киинин иһинэн тэриллэн үлэлиир айар бөлөхтөр: "Сарыада", "Татыйык", "Дохсун" вокальнай ансаамбыллар, оҕо вокальнай студията, А.Н.Окоемов аатынан "Мичээр" үҥкүү народнай ансаамбыла, "Күндүүнэ" үҥкүү коллектива, "Алгыс" фольклорнай студия, "Мэскэйдэр" драм. кружок, "Иис Куо" иистэнньэҥнэр куруһуоктара, "Сканди" хаалыктаах хаамааччылар түмсүүлэрэ, ону тэҥэ З.П.Винокуров аатынан Намнааҕы оҕо искусствотын оскуолатын 1-Хомустаахтааҕы филиалын "Күнчээн" үҥкүү коллектива кытыннылар. Саҥа айар үлэ сезонугар күндү көрөөччүлэрбитигэр интэриэһинэй тэрээһиннэри, "Cinema Hom" кинозалга сонун киинэлэри, үчүгэй сынньалаҥы эрэннэрэбит!
Комментариев нет:
Отправить комментарий