Бастакы
Хомустаахха СР Судаарыстыбыннаһын
көрсө «Сахам сирэ баай- быйаҥ көмүс күһүнэ» күһүҥҥү атыы- эргиэн дьаарбаҥката түөлбэлэр икки
ардыларыгар ыытылынна.
Дьаарбаҥкаҕа түөлбэлэр
уопсайа үс көрүҥҥэ күөн көрүстүлэр. «Лучшая сервировка стола»
күрэххэ 1-кы миэстэни «Саһарҕа» түөлбэ (сал. Сысолятина Нь.Р.), 2-с миэстэни
«Дьулуур» түөлбэ (сал. Сысолятина М.П.), 3-с миэстэни «Чагда» түөлбэ (сал.
Барашкова А.К.) ыллылар. «Королевство
Кабачков» түһүмэххэ 1-кы миэстэлэри «Саһарҕа», «Чагда» түөлбэлэр, 2-с
миэстэни «Дьулуур» түөлбэ, 3-с миэстэҕэ
«Кустук» түөлбэ
( сал. Руфова Е.И) таҕыстылар. Үһүс түһүмэх дьаарбаҥка
кэмигэр атыыттан киирбит дохуот
суумматыттан 1-кы миэстэҕэ «Саһарҕа», 2-с миэстэҕэ «Дьулуур», 3-с миэстэҕэ
«Кустук» түөлбэ буоллулар.
Көмүс күһүнү көрсө «Алгыс» норуот
айымньытын киинин иһинэн тэриллэн үлэлиир «Сарыада», «Татыйык», «Дохсун» ырыа
ансаамбыллара, Марина Охлопкова, Анастасия Барашкова, Надежда Васильева, Мичил Иннокентьев,
Иван Васильев ылбаҕай ырыаларынан тэрээһини киэргэттилэр,нэһилиэк баһылыга
Жирков В. Г. бэлиэ күнүнэн эҕэрдэлээтэ.
Биирдиилээн «Саамай улахан оҕуруот аһа» күрэххэ 4.8 кг кабачкилаах Акулина
Степановна Муксунова, “Күһүҥҥү фантазия” хаартыска күрэҕэр
Варвара Дмитриевна Жиркова кыайыылааҕынан таҕыстылар, бүлүүдэлэргэ аукцион атыыта ыытылынна.
Уопсай түмүккэ
1-кы миэстэни “Саһарҕа” түөлбэ (сал.Сысолятина Нь.Р.), 2 – с миэстэҕэ “Дьулуур”
түөлбэ (сал. Сысолятина М.П), 3-с миэстэни
“Чагда” түөлбэ (сал. Барашкова А.К.) ыллылар.
Бу күн
Д.Ф.Алексеев аат. оскуола үөрэнээччилэрэ, учууталлара кыттыылаах үөрүүлээх чаас
ыытылынна, “За нами будущее” документальнай киинэ көрдөрүлүннэ. Быыбар
түмүгүнэн оскуола президенынан 9 кылаас үөрэнээччитэ Элеонора Сысолятина талылынна.
Тэрээһиҥҥэ
үрдүк таһымнаахтык бэлэмнэнэн, көхтөөх кыттыыны ылбыт нэһилиэкпит
олохтоохторугар, чуолаан түөлбэ салайааччыларыгар махталбытын биллэрэбит.
Комментариев нет:
Отправить комментарий