Аан дойду үрдүнэн бэлиэтэнэр Оҕо көмүскэлин күнүнэн "Алгыс" НАК площадкатыгар кырачаан оҕолорго анаан бырааһынньыктааҕы тэрээһин оҕо- аймаҕы, төрөппүттэри түмэ тарта. Уһуйаан иитиллээччилэригэр анаан "Кэрэчээнэ Куо- 2023" курэххэ биэс кэрэ сибэкки кыргыттар кыттыыны ыланнар көрөөччү кутун туттулар. Күрэх түмүгүнэн "Күн Куо" анал ааты Айнаара Слепцова , "Сандаара Куо" анал ааты Күннэй Васильева , "Айыы Куо" анал ааты Сайыына Данилова , "Мичийэ Куо" анал ааты Амелия Новгородова ыллылар. Кыайыылааҕынан тахсан "Кэрэчээнэ Куо- 2023" ааты сүктэ Тайаана Захарова.
Кыргыттар уопсайа түөрт түһүмэҕинэн кытыннылар: бэйэни билиһиннэрии, талаан, авангарднай мода, киэһээҥҥи мааны былааччыйа. Маны сэргэ минньигэс бириистээх араас оонньуулар оҕо- аймах үөрүүтүн үксэттилэр.
Махталбытын биллэрэбит сыаналыыр сүбэҕэ үлэлээбит - Лена Иннокентьевна Марковаҕа, Ольга Дмитриевна Николаеваҕа, Сардана Сергеевна Березкинаҕа. Күүс- көмө буолбут "Мичийээнэ" , "Улыбка" уһуйаан коллективтарын иитээччилэригэр, төрөппүттэргэ.
Олохпут кэрэчээн сибэккилэрэ, инники кэскиллэрбит доруобай, дьоллоох буоллуннар!
Комментариев нет:
Отправить комментарий