Муус устар 8 күнүгэр, «Алгыс» Норуот Айымньытын киинигэр «Мэскэйдэр» кѳр-күлүү бѳлѳ5үн 10 сыллаах үбүлүѳйдээх айар киэһэтэ үрдүк таһымнаахтык, элбэх кѳрѳѳччүлээх, бэрт сэргэхтик ыытылынна. Салайааччы «Алгыс» Норуот айымньытын киинин специалиһа, СР Культуратын туйгуна Елена Руфова.
«Мэскэйдэр» кѳр-күлүү бѳлѳ5ѳ 2013 сыллаахха
Нам, Таастаах, 1 Хомустаах нэһилиэктэрин Ытык киһитэ, СР Культуратын туйгуна,
алгысчыт, дэгиттэр талааннаах убаастыыр киһибит Соловьев Филипп
Алексеевич-Силипчээн кө5үлээһининэн тэриллибитэ. Онтон ыла үгүс элбэх
улуустаа5ы, республикатаа5ы кѳр-күлүү күрэхтэригэр кыттан, хас да айар
киэһэлэри тэрийэн, араас тэрээһиннэргэ кыттан дьон- сэргэ биһирэбилин
ылбыттара. Филипп Алексеевич бу дьоро киэһэ5э кэлэн ыалдьыттаата, үрдүк
сыанаттан э5эрдэлээх, алгыстаах тылын анаата.
Үбүлүѳйүнэй кэнсиэр бу
соторутаа5ыта ыытыллыбыт улуустаа5ы уус-уран самодеятельность бэстибээлигэр
1-кы степеннээх лауреат үрдүк аатын ылбыт Чингиз Айтматов «Ийэ сир» спектаклын
кѳрдѳрүүттэн са5аланна. Сүрүн оруолу-дьиэ кэргэн ийэтин Толгонай уобараһын
Виктория Матвеева олус итэ5этиилээхтик толорон кѳрѳѳччүлэри долгутта, уйадытта.
Кэнсиэр иккис чааһыгар урукку сылларга уонна кэнники туруоруллубут бастың
кѳрдѳѳх сыанкалар кѳрдѳрүлүннүлэр. «Мэскэйдэр» бѳлѳх хас биирдии артыыһа бэйэлэрин оруолларын олус кыһаллан туран
оонньоотулар, үрдүк таһымңа тахсыбыттарын бигэргэттилэр.
Бу дьоро киэһэ5э Нам улууһун Култуура5а уонна Духуобунай Сайдыыга
управлениетын начальнигын солбуйааччы Новгородова А.Н. э5эрдэ тылын эттэ, бочуотунай
грамоталары уонна сертификат бэлэх туттарда. «Хомустаах 1-кы нэһилиэгэ» МТ баһылыга Жирков
В.Г. махтал суруктары, 10 тыһыынча суумалаах сертификат уонна бырааһынньыктаа5ы
торт туттаран барыбытын үѳртэ. «Алгыс» НАК коллектива, директор Мылаханова А.Г.
10 тыһыынча уу харчыны атрибут, кѳстүүм ылыныытыгар анаан бэлэх уунна. Бары
кѳмѳ-ѳйѳбүл буолбут дьоммутугар бар5а махталбытын биллэрэбит. «Мэскэйдэр» бѳлѳх
састааптара кэңиир, инникитин ѳссѳ да элбэх сэргэх айымньылаах киэһэлэри
бэлэхтии туруо5а!
Комментариев нет:
Отправить комментарий