Үтүө үгэс буолбут Нэһилиэкпит күнэ өрө көтө5үллүүлээхтик, өрөгөй-үөрүү үктэллээх ыытылынна. Бу үөрүүлээх күҥҥэ "Алгыс" НАК фойетыгар турбут "Уратыны сэргээн" нэһилиэкпит коллекционердарын выставката көрөөччү кэрэхсибилин ылла, ону тэҥэ Оҕо искусствотын оскуолатын уруһуй кылааһын үөрэнээччилэрин выставката. 2022 сыл түмүгүнэн үлэ5э-үөрэххэ, общественнай хамсааһыҥҥа, производствоҕа, спорка уо.д.а. салааларга бастыҥтан бастыҥнары чиэстиир үөрүүлээх тэрээһини "Хомустаах 1- кы нэһилиэгэ" МТ баһылыга Жирков В.Г. уонна нэһилиэк депутаттара Н.Федотов тылларыгар, В.Зырянов мелодиятыгар "Өрөгөй ырыатынан" астылар.
Үөрүүлээх чааска өрөспүүбүлүкэ, улуус, нэһилиэк на5араадалара, ону сэргэ махтал суруктар, Анал стипендиялар уонна сыл түмүгүнэн Анал ааттар бастыҥнарга туттарылыннылар. РФ "Педагог уонна Наставник" сылынан улууска, республикаҕа ыытыллыбыт педагогическай күрэхтэр кыттыылаахтара, лауреаттара, СР "Үлэ сылынан", Нам улууһугар "Биир санааланыы уонна сомоҕолоһуу" сылынан тэрилтэ салайааччылара, общественнай түмсүү салайааччылара, түөлбэ салайааччылара үрдүк сыанаттан Үлэ, Сомоҕолоһуу сылын уруйдаатылар. 2023 сыл нэһилиэкпитигэр "А5а сылынан" биллэриллиннэ. Бу сылы эр дьон түмсүүтэ Сомоҕолоһуу оһуохайынан арыйан дьон болҕомтотун ылла, сүргэтин көтөхтө. Манна улууспут А5а түмсүүтүн салайааччылара кэлэн кыттыыны ылбыттарын биһириибит. Ааспыт 2022 сыл түмүгүнэн түөлбэ үлэтин түмүгэ, сылын аайы ыытыллар "Кубок Главы" спортивнай күрэх түмүгэ тахсан нэһилиэнньэ бириистээх миэстэлэри, мэтээллэри тутан үөрүүтэ үксээтэ. Нэһилиэкпит күнэ үүнэр көлүөнэлэрбит, кэлэр кэнчээрилэрбит "Ыллыыр - туойар оҕо саас" э5эрдэ кэнсиэрдэринэн түмүктэннэ. Нэһилиэкпит бар5ара сайдарын туһугар бары бииргэ түмсэн, сомоҕолоһон үтүөҕэ, үрдүккэ, сырдыкка дьулуһуо5ун ! Нэһилиэк күнэ - ыччаты, оҕо- аймаҕы төрөөбүт дойдуга тапталы иитэр тус сыаллаах ыытыллара кэрэхсэнэр, нэһилиэнньэ күүтэр бэлиэ, ураты күнэ буолла.
.  |
| 🔙🔙🔙Видеозапись " День наслега" ( Е.Москвитина) |
Комментариев нет:
Отправить комментарий