Бастакы Хомустаах нэһилиэгэр ыытыллыбыт булчуттарга, балыксыттарга анаммыт "Баай барыылаах Байанай" тэрээһин бэрт сэргэхтик ааста. Кэлбит ыалдьыттарга үтэһэлээх эти, быырпаҕы утары ууннулар, кадровой булчут Михаил Софронов алгыһынан аһылынна. Тэрээһини Нам улууһун булчуттарын, балыксыттарын түмсүүтэ тэрийдэ ( председатель Яковлев И.В.). Улуус нэһилиэктэриттэн байанайдаах булчуттар, балыксыттар кэлэн кыттыыны ыллылар, ону тэҥэ тимир уустара. Өр сылларга кадровой булчутунан үлэлээбит ветераннарга анал бэлиэлэр, бочуотунай грамоталар туттарылыннылар. Фойеҕа таксидермист Рустам Федоров оҥоһуктарын, уустар быһаҕынан оҥоһуктарын быыстапката турда. Саха быһаҕын сытыытын тургутан көрөр түөрт түһүмэхтээх күрэх ыытылынна, кыайыылааҕынан таҕыста Андрей Андреевич Винокуров, 1 -Хомустаах нэһилиэгэ.
Тэрээһин сүүйүүлээх оонньуутун сүрүн бирииһин Хомустаахтан Илья Пинигин тутта. Тэрээһиҥҥэ ыалдьыттаатылар СӨ экология, айылҕа харыстабылын уонна ойуур хаһаайыстыбатын миниистирин солбуйааччы Николай Васильевич Додохов, "Нам улууһа" МТ баһылыга Юрий Иннокентьевич Слепцов, баһылык солбуйааччыта Филипп Васильевич Николаев, улуус старшай госинспектора Эверстов Семен Петрович, "Кынат" тэрилтэ салайааччыта, "Угуйуу" түмсүү председателэ Василий Местников. Тэрээһини иилээн- саҕалаан ыыттылар улуустааҕы аҕа сүбэтин предеседателэ Михаил Алексеевич Макаров, "Никольскай нэһилиэгэ" МТ баһылыга Алексей Карлович Криговорницын. Тэрээһини үҥкүүнэн,ырыанан киэргэттилэр А.Окоемов аатынан "Мичээр" ҮНА ( сал. Т.Филиппова), "Дохсун" эр дьон ансаамбыла ( сал.С.Тумусова), Радомир Лиханов , Михаил Макаров.
Комментариев нет:
Отправить комментарий