Кыыс оҕо барахсан дьэдьэн курдук тэтэрэ умайда, тоҕус өргөстөөх толомон маҥан күнүм толонун курдук, толбонноох ньуура туналыйан көһүннэ» - диэн кыыс оҕо кэрэтин уруйдаан, кэрэхсээн, сүгүрүйэн былыр-былыргыттан ырыаҕа ылланар, хоһооҥҥо хоһуйуллар, номоххо кэпсэнэр...
Сэтинньи 30 күнүгэр, Алгыс НАК “Бэйбэрикээн биһигэ” общественнай хамсааһын салайааччыта Светлана Николаевна Лукина бырайыагынан “14 Граций . Айыы Куо” күрэх ыытылынна.
Барыта улуус а5ыс оскуолатыттан биэстии кыыстаах хамаандалар кытыннылар. Уопсай түмүккэ кыайыылаа5ынан та5ыстылар З.П.Саввин аатынан Үөдэй орто оскуолатын кыргыттара , иккис миэстэни Д.Ф.Алексеев аатынан 1-Хомустаах орто оскуолатын хамаандатын кыргыттара, үһүс миэстэни И.С.Гаврильев аатынан Нам 1 нүөмэрдээх орто оскуолатын хамаандата. Сыаналыыр сүбэ5э үлэлээтилэр - САХАЙААНА АФАНАСЬЕВНА ОРЛОВА- “Нам улууһа” МТ культураҕа уонна духуобунай сайдыыга управлениятын специалиьа , УСТИН ИВАНОВИЧ НИКОЛАЕВ - «Нам улууһа” МТ Үөрэ5ин управлениятын эбии үөрэхтээһинин уонна иитэр үлэҕэ отделын сэбиэдиссэйэ, НИКОЛАЙ НИКОЛАЕВИЧ ТЕРЮТИН - Республикатаа5ы норуот айымньытын киинин уус-уран айымнньы салаатын специалиһа, РФ уопсай Үөрэхтээһинин Бочуоттаах үлэһитэ, СР культуратын, үөрэ5ириитин туйгуна, СР ыччат политикатын туйгуна, НЮРГУЯНА НИКОЛАЕВНА ФЕОКТИСТОВА-«Саха» ГТРК информационнай биэриитин шеф – редактора, ыытааччыта. СР культуратын уонна телевидениятын туйгуна, СВЕТЛАНА НИКОЛАЕВНА ЛУКИНА- бырайыак автора, сыаналыыр сүбэ председателэ,улуустаа5ы олоҥхо ассоцияциятын эппиэттиир секретара “Бэйбэрикээн биһигэ” общественнай хамсааһын председателэ, ВИЛЮЯНА НИКОЛАЕВНА НИКИТИНА – «Ийэ тыл кэскилэ” республиканскай хамсааһын салайааччыта.
Кыргыттар
барыта түөрт түһүмэ5инэн кытыннылар- бэйэни билиһиннэрии, хаамыы көрүҥнэригэр дефиле, Айыы үөрэҕэр (Кийиит
сиэригэр) олоҕурбут викторина уонна «Алгыс” үҥкүүтүн толоруу. Киэһээни иилээн-саҕалаан
ыыттылар Артур Федоров, Никита Пестряков.
Аан бастакытын ыытыллыбыт ураты, сахалыы
тыыннаах күрэх «Алгыс” НАК-гэр үрдүк таһымнаахтык
ааста. Күрэххэ кыттыыны ылбыт улуус оскуолаларын коллективтарыгар махталбытын биллэрэбит!
Комментариев нет:
Отправить комментарий