Сэтинньи 18 күнүгэр "Алгыс" НАК-гэр "Тыа сирэ - мин дойдум" тыа хаhаайыстыбатын үлэһиттэрин
күнүн бэлиэтиир үгэс буолбут тэрээһин ыытылынна. Бу үөрүүлээх күҥҥэ биир дойдулаахпыт СӨ Тыатын хаһаайыстыбатын миниистирэ А.П. Атласов, " Нам улууһа" МТ баһылыгын тыа хаһаайыстыбатын салаатыгар солбуйааччы Ф.В.Николаев Тыа хаһаайыстыбатын бэтэрээннэригэр, күн бүгүн үлэлиир дьоммутугар эҕэрдэ суруктары уонна Тыа хаһаайыстыбатын 100 сыллаах юбилейнай знактарын туттардылар. " Хомустаах Бастакы" нэһилиэгэ МТ баһылыга В.Г. Жирков кэтэх хаһаайыстыбанан дьарыктанар уонна тыа хаһаайыстыбата сайдыытыгар сүҥкэн кылааттаах нэһилиэкпит олохтоохторугар анал ааттары туттарда.
"ЛУЧШИЙ ПО ЗАГОТОВКЕ КОРМОВ" - Ядреев Федот Федотович, Сивцев Николай Васильевич.
ЛУЧШИЙ ПО СДАЧЕ МОЛОКА" -
Тихонов Юрий Максимович,
Эверстова Мария Александровна
" ЛУЧШИЙ ПО РАЗВИТИИ СЕМЕЙНОЙ ЭКОНОМИКИ" - Константинова Людмила Пантелеймоновна
" ЛУЧШИЙ ПО ВЫРАЩИВАНИЮ ОВОЩЕЙ" - Бурнашев Мичил Егорович
" ЛУЧШАЯ РАБОТА В СЕЛЬСКОМ ХОЗЯЙСТВЕ" - Сивцева Ольга Валерьевна. Үөрүүлээх чаас кэннитт эн түөлбэлэр икки ардыларыгар
- «Эт астан бүлүүдэ»,
- «Күөрчэх ытыйыы»,
- “Саамай уһун кутурук”,
- “ Суон муос” күрэхтэр бэрт сэргэхтик буолан аастылар. Түмүккэ "Саамай уһун кутурук' аҕалбыт Илья Пинигин ( "Үрдэл" түөлбэ) кыайыылааҕынан таҕыста, онтон "Суон муоска " кыайыыны ситистэ Мария Муксунова (" Кустук" түөлбэ). Күөрчэх ытыйыыга эрэллээхтик бастаата "Саһарҕа" түөлбэттэн Матрена Лукина, иккис "Чагда" түөлбэттэн Туяра Мохова, үһүс миэстэ Валерия Егорова " Үрдэл" түөлбэттэн. Эт астан бүлүүдэҕэ бастаата "Дьулуур" түөлбэттэн Ия Софронова, иккис "Чагда" түөлбэттэн Алишер Чупров, үһүс "Саһарҕа" түөлбэттэн Анастасия Трофимова. Уопсай түмүккэ "Дьулуур" түөлбэ (сал.М.П.Сысолятина) бастакы, "Саһарҕа" түөлбэ ( сал.З.И.Степанова) иккис, "Үрдэл" түөлбэ ( сал. Р.А. Лиханов ) үһүс буоллулар. Наҕараада туппут, күрэхтэргэ кыттыбыт нэһилиэкпит дьонугар махтанан тураммыт эҕэрдэ бастыҥын аныыбыт!
Комментариев нет:
Отправить комментарий