Сэтинньи 12 күнүгэр Нам улууһун 1 Хомустаах нэһилиэгэр үөрэҕирии тэриллибитэ 135, орто оскуола буолбута 55 сылын үбүлүөйдээх өрөгөйдөөх тэрээһинэ «Алгыс» сынньалан киинигэр ыытылынна.
Кулуупка оскуола үөрэнээччилэрэ, улэһиттэрэ уонна араас сыллаах выпускниктар тоҕуоруһа мустубуттар. Өрөгөйдөөх тэрээһиҥҥэ кыттыыны ыллылар Нам улууһун аҕа Баһылыга, оскуола выпускнига Слепцов Ю.И., улуус депутаттарын сэбиэтин председателэ Винокуров А.И., Нам улууһун үөрэҕириитин управлениетын начальнигы солбуйааччы Поротова С.С. уонна нэһилиэк Баьылыга Жирков В.Г.
Үгүс сылларга оҕону иитиигэ-үөрэтиигэ үтүө суобастаахтык улэлээбит учууталларга, улэһиттэргэ, педагогическай улэ ветераннарыгар үрдүк наҕараадалары туттарыы буолла. Ол курдук,
- «Отличник Просвещения РФ» бэлиэни саха тылын учуутала Томская А.А., -«Почетный работник в сфере образования РФ» бэлиэни алын сүһүөх учууталлара Винокурова С.Н., Жиркова Д.Д. улуус Баьылыгын Слепцов Ю.И. илиититтэн туттулар.
-«Саха республикатын методиһа» бэлиэнэн физика учуутала Соловьева М.В.,
-«Надежда Якутии» технология учуутала Васильев И.И.,
«Учууталлар учууталлара» технология учуутала Яковлева В.П.,
Ил Тумэн председателин Махтал суругунан Конникова М.Г. бэлиэтэннилэр.
«Нам улууьун социальнай экономическай сайдыытыгар кылаатын иһин» бэлиэнэн педагогическай улэ ветерана Шелковникова П.П.,
«Хомустаах 1-кы нэһилиэгин Ытык киһитэ» ааты биология учууталыгар Колесова Е.В.,
«Хомустаах 1-кы нэһилиэгин сайдыытыгар кылаатын иһин» бэлиэнэн социальнай педагог Федорова А.К., директоры үөрэх чааһыгар солбуйааччы Стручкова Т.П., «За труд и преданность» Нам улууһун үөрэҕириитин улэһиттэрин «Альтернатива» профсоюзнай союьун бэлиэтин Охлопкова Т.В. үөрүүлээх чааска туттулар.
Үгүс учуутал улуус баьылыгын, улуус депутаттарын сэбиэтин, Семен Донской II аатынан үөрэх улэһиттэрин квалификацияларын үрдэтэр институт бочуотунай грамоталарынан, махтал суруктарынан наҕараада тутан үөрүү үксээтэ. Тэрээһин сүрүн чааьыгар «Слово об Учителе» диэн өр сылларга Хомустаахха улэлээбит учууталлар тустарынан кинигэ тахсыбытын сырдатыы буолла.
Юбилейнай тэрээһин 2-с чааьыгар оҕолор, учууталлар уонна выпускниктар туруоруулаах сэргэх кэнсиэринэн, эҕэрдэлэринэн түмүктэннэ. Бу күн Хомустаах оскуолатын коллектива бары үөрэппит оголорбутугар, бииргэ улэлэһэр тэрилтэлэрбитигэр, төрөппуттэрбитигэр утүө тыллардаах эҕэрдэттэн кынаттанан үөрэн-көтөн тарҕастыбыт. Дмитрий Федотович Алексеев аатын сүгэр оскуолабыт өссө даганы үүнэ-сайда, чэчирии, ситиһиилээх оҕолору үүннэрэ турдун!
Директоры үөрэх чааһыгар солбуйааччы Т.П. Стручкова
Комментариев нет:
Отправить комментарий