Бастакы Хомустаахха ойор -тэбэр оҕо саас күнэ.
Бүгүн бэс ыйын 3 күнүгэр нэһилиэкпитигэр Оҕо көмүскэлин күнүн бэлиэтиир тэрээһин ыытылынна. Тэрээһини "Алгыс" НАК киинэ, "Улыбка" уонна "Мичийээнэ" оҕо уһуйааннара тэрийдилэр. Уһуйаан иитиллээччилэрэ эҕэрдэ нүөмэрдэри бэлэх ууннулар, ону тэҥэ оҕо аймахха араас оонньуулар, күрэхтэр тэриллиннилэр.
Велосипед киэргэтии күрэҕэр бастакы миэстэни Анюта Николаева, Ийэ кыыһынаан баттах өрүүтүн күрэҕэр Айталина, Сайыына Орловалар ыллылар. Сахалыы оонньуулар элбэх оҕо интэриэһин тардан, оҕолор көхтөөхтүк кытыннылар. Үгэс буолбут асфальтка уруһуй күрэҕэр кыайыылааҕынан таҕыста Сахаайа Попова. Тэрээһин бэлиэ түгэнинэн оҕолору кытта " Марафон зеленых дел" бүтүн Россиятааҕы акциянан мас олордуута буолла. Оҕолор оонньууларга кыттыыны ыланнар, үөрэн-көтөн тарҕастылар. Бүгүҥҥү тэрээһин спонсорыгар ООО "Гранд" Прокопьев С.К., уһуйаан иитээччилэригэр барҕа махталбытын биллэрэбит.
.
Комментариев нет:
Отправить комментарий