Хотун Бүлүү туонатыгар Олоҥхо Ыһыаҕар үрдүк ситиһии өрөгөйдөөтө!
Ол курдук, тойук күрэҕэр Ирина Николаева 3 үрдэли ылан, 20.000 солк. сертификатынан наҕараадаланна, дэгэрэҥҥэ анал ааты тутан 5000 солк. сертификат туттарылынна. "Алгыс" олоҥхоһуттар бөлөхтөрө ( сал. Руфова Е.И) "Кылыгырас кылыһахтаахтар" анал ааты, 5000 солк. сертификат тутта. Биирдиилээн олоҥхону толорууга Елена Руфова «Уран тыл ууһа » анал аатынан, 5000 солк. сертификатынан наҕараадаланна. Эдэрдэргэ олоҥхону толорууга Кылаан Кыайыылааҕынан таҕыста Яна Нюргусова уонна Ил Дархан илиититтэн наҕарааданы ылла. Бастакы Хомустаах аатын үрдүктүк тутан , Хотун Бүлүү туонатыгар кыайыы көтөллөммүт кыргыттарбытыгар итии- истиҥ эҕэрдэ буолуохтун!
Комментариев нет:
Отправить комментарий