Бастакы Хомустаах нэһилиэгин "Алгыс" НАК онлайн тэрээһиннэри ыытарга бэлэм олорор. Саҥа сылы көрсөр тэрээһиннэр этэҥҥэ түмүктэнэннэр, былааннаммыт барыта олоххо киирэн тэрийээччилэр сүргэлэрэ көтөҕүллэн сылдьар. Ол курдук, инники суруллубукка салгыы кэпсээтэххэ тохсунньу 13 күнүгэр үөрүү-көтүү аргыстаах" Суорат" бөлөх бэрт сэргэх киэһээни бэлэхтээбитэ,онтон тохсунньу 14 күнүгэр инстаграм нөҥүө түөлбэлэр икки ардыларыгар ыытыллыбыт " Арай биирдэ дэриэбинэҕэ" тэттик видео уһулааһыныгар күрэх көрөөччү болҕомтотун тарта.
Күрэххэ 4 түөлбэ кыттыыны ыллыллар. Күрэҕи сыаналаатылар Чурапчы улууһун "Быара суохтар"
көр- күлүү айар бөлөҕө ( сал. Мария Дьячковская) уонна "Саха"национальнай көрдөрөр-
иһитиннэрэр хампаанньа оператордара Александр Слепцов, Дмитрий Сергучев.
Түмүккэ:
1 м-"Чагда" түөлбэ
( сал. Барашкова А.К)
2. м-"Үрдэл" түөлбэ
(сал. Лиханов Р.А)
3. м- "Саһарҕа" түөлбэ
( Степанова З.И) таҕыстылар.
Онтон айар бөлөх анал аатынан наҕараадаланнылар: "Бастыҥ артыыска" анал аат Надежда Прокопьева "Чагда"түөлбэ
(Б.С.артыыскалара-Татьяна Егорова анал бирииһэ-Б.С.кэнсиэрдэригэр босхо билиэт),
"Бастыҥ операторскай үлэ" Светлана Сивцева
" Үрдэл" түөлбэ
(Б. С.оператордарын Петр Дьячковскай анал бирииһэ-Б.С инстатыгар 3 үлэтин босхо таһаарыы),
"Бастыҥ Хомустаах эр бэрдэ " Станислав Васильев "Кустук" түөлбэ
.."Билэбин" диэн тылын иһин Марууса анал бирииһэ- Б.С роликтарыгар Маруусалыын бииргэ уһуллуу, "Бастыҥ сценарий" "Үрдэл" түөлбэ режиссёругар. (Б.С салайааччыларын Мария Дьячковская анал бирииһэ-Б.С.эһиги сценарийгытынан 3 вайны устуу. Онтон
"Креативный монтаж"
"Үрдэл"түөлбэҕэ,
"Пропаганда ЗОЖ"
"Саһарҕа" түөлбэҕэ анал ааттары
" Саха" НКИХ операторадара анаатылар. Ону тэҥэ нэһилиэкпит иһинэн тэриллэн үлэлиир "Мэскэйдэр" (сал. Руфова Е.И)көр -күлүү бөлөҕүн анал бирииһэ Станислав Васильевка туттарылынна. Бу курдук ахсынньы 31 күнүттэн ыытыллыбыт араас хабааннаах тэрээһиннэр дьон сынньалаҥын туһугар тэриллэн, бэрт көдүүстээхтик ыытыллан түмүктэннилэр. Аны онлайн тэрээһиннэр күндү көрөөччүлэрбитин күүтэллэр, хамсык ыарыы халбарыйдар эрэ кулууп дьиэҕэ көрсүөхпүт.
Комментариев нет:
Отправить комментарий