Культура эйгэтин абылаҥар
Нам улууһун Аппааны нэһилиэгин орто оскуолатын 1979с. ситиһиилээхтик бүтэрэн, 1980 с."Нам" совхозка, директор Алексеев Д. Ф., 1Хомустаах учаастагар " Кэнчээри" ньирэйдэр турар хотонноругар үлэлээбитим. Сылын аайы 50 -нии ньирэйи көрөн, ол саҕана саҥа тутуллубут икки үрдүк " Сардаҥа" хотонно 25 -тии ынаҕы ыан ыанньыксыт быһыытынан үлэлии сылдьан 1985с. Дьокуускай куорат культурнай сырдатар училищетыгар, режиссер салаатыгар үөрэнэ киирбитим. Уһуйааччы, учууталым Саха театрын уонна киинэ артыыһа Васильев Анатолий Иванович этэ. Совхозка хотонҥо үлэлии сылдьан эргэ кулуубка эдэр ыччат уонна комсомол, партия да кэккэтигэр киирэн сылдьан уус - уран самодеятельность араас көрүүлэригэр, концертарга куруутун ырыаһыт,үҥуүүһүт быһыытынан кыттар этим. 1988с. иккис курска үөрэнэ сырыттахҙпына, ол саҕана 1-Хомустаах культуратын дьиэтин директора Колесова Александра Ильинична методист штатыгар улэҕэ ыҥырда, үөрүүнү кытта киирдим, ол кэмтэн ыла үлэлиир үлэм күн бүгүҥҥэ дылы төрүт культура эйгэтин хабар.Нам улууһугар 35 сылбын үлэлии айа - тута сылдьабын. Үлэҕэ киирээт "Нам" совхоз Партизан, Үөдэй, Хомустаах учаастактарын оттуур звеноларыгар, алаастарыгар, арыыларыгар, сайылык фермаларыгар АКБ "Мичээр" диэн ааттанан культурнай, сырдатар коммунист партия ыйар суолун кэпсии -ипсии тарҕатар этибит. Республиканскай АКБ лар күрэхтэьиилэригэр кыттан 1 миэстэ буоллубут, Саха Республикатын культурага министерствота УАЗ автомашина биэрдэ, АКБ "Мичээр" былаана, сырыыта кэҥээн "Комсомольскай" совхоз үлэһиттэрин кытта хабар буоллубут.АКБ"Мичээр"үлэтигэр үс кулууб үлэһиттэрэ, библиотекарьдар, киинэ үлэһиттэрэ бары киирэн үлэлээбиппит, онно эбии эдэр ыччаттар, комсомолецтар кыттыһаллара: Бурнашева Зоя, Ощепков Илья, Оконешников Игнат, Дьяконов Афанасий, Новгородова Лена, Атласов Володя уо.д.а Хомустаах кулуубун үлэһиттэрэ ол саҕана Колесова А. И.,Соловьева Т. Р., Обутова Л. П., Азаров Н. Ф., Яковлев И. Д. Бурнашев К. К., Орлова Я. П. буолан үлэлээбиппит. Кыһынын сыллааҕы былааны ыйдарынан араас бырааһынньыктары, уус- уран көрүүлэри, күрэхтэһиилэри, концертары тэрийэн түүннэри-күннэри культура үлэһитин бүппэт элбэх түбүктээх үлэтин ааспыппыт. Бу кэмнэргэ "Нам" совхоз директора Алексеев Д. Ф. уонна прораб Окоемов П. П. саҥа 300 миэстэлээх таас, икки этээстээх кулуубу туттарар үөрүүлээх сураҕы иһитиннэрдилэр уонна икки сыл иһинэн тутулла охсон 1989-1990 сылларга саҥа дьыл бырааһынньыгар үлэҕэ киирэн үлэлиир эппиэтинэс өссө үрдээбитэ, киэн айымньылаах үлэ саҕаламмыта.
Орлова Яна Петровна,
СР культуратын туйгуна
Комментариев нет:
Отправить комментарий