Өрөгөйдөөх Улуу Кыайыы күнүнэн !

 

Ыам ыйын 9 күнэ Россия бары олохтоохторугар дириҥ өйдөбүллээх ытык күммут  буолар. Бу күн биһиги аан дойдуну фашизмтан босхолообут кыайыылаах көлүөнэҕэ дириҥ махталбытын биллэрэбит, кинилэргэ булгуруйбат санааларын уонна Ийэ дойдуларыгар тапталларын иһин сүгүрүйэбит. Уоттаах кыргыһыыларга, хаан тохтуулаах киирсиилэргэ биһиги биир дойдулаахтарбыт хорсуннук сэриилэспиттэрэ, Ийэ сири өстөөхтөн босхолуур туһугар сырдык тыыннарын толук биэрбиттэрэ. Фронтан тэйиччи ыраах тыылга Саха сирин дьоно-сэргэтэ килбиэннээх үлэтинэн Кыайыыны уһансыбыта. Оччотооҕу көлүөнэ  бары биир киһи курдук турунан, сэрии кэннинээҕи ыарахаттары санныгар сүгэн, эйэлээх олоҕу туппута. Аан дойду историятын хаамыытыгар сабыдыаллаабыт ыар сүтүктээх уонна өрөгөй үктэллээх Улуу Кыайыы суолтата хаһан да өлбөөдүйбэккэ, дьон-норуот өйүгэр-санаатыгар ытык өйдөбүл буолан барыбытын сомоҕолуур. Хорсун быһыы кэмҥэ-кэрдиигэ бэриммэт.  Тугунан да кэмнэммэт нэһилиэстибэни харыстыырбыт барыбыт ытык иэспит. Бүгүн өрөгөй күнэ, бүгүн үөрүү күнэ! Бука барыгытыгар эйэлээх ыраас халлааны!

Улуу Кыайыы күнүнэн эҕэрдэлииллэр Д.Ф. Алексеев аат. 1 - Хомустаах орто оскуолатын 3 кылааһын үөрэнээччилэрэ (кыл.сал. Винокурова С.Н) 

https://youtu.be/mfbgwd0MnG4 ссылканы баттаан киинэни көр

" Мэтээл" уус- уран киинэ ( "Алгыс фильм" студия, 2015 с.) Кыайыы 70 сылын көрсө,   Иннокентий Сосин кэпсээнинэн уһуллубут киинэҕэ нэһилиэкпит дьоно- сэргэтэ кыттыыны ылбыттара. Киинэ төрөппүт комитетын бырайыагынан буолар. 2015 с.түмүгүнэн  нэһилиэккэ " Сыл чаҕылхай ситиһиитэ" анал аат ылбыта. 

https://youtu.be/cwyhEGOUhuU

 ссылканы баттаан кэнсиэри көр

Кыайыы 65 сылын көрсө ыытыллыбыт улуустааҕы  уус - уран самодеятельноһы көрүү фестивальнай кэнсиэрэ