" Үлэнэн дьолломмут үтүө дьоммут" хаартыска күрэҕин түмүгэ

Нам улууҺун бастакы баҺылыга, «Бочуот знага» орден кавалера, Нам улууҺун Бочуоттаах гражданина, СР норуотун хаҺаайыстыбатын үтүөлээх үлэҺитэ,  Таастаах , 1 –Хомустаах, 2 –Хомустаах  нэҺилиэктэрин  бочуоттаах олохтоо5о Дмитрий Федотович Алексеев төрөөбүтэ 85  сылынан 1-Хомустаах, Партизан, Үөдэй, Таастаах нэҺилиэктэрин икки ардыларыгар Күөх Маай, Үлэ, Ил- эйэ күнүн көрcө ыытыллыбыт «ҮЛЭНЭН  дьолломмут ҮТҮӨ  дьоммут» хаартысканан күрэх муус устар 26 күнүттэн ыам ыйын 01 күнүгэр диэри ыытылынна.

Барыта 29 сайаапка киирэн, 100 тахса хаартыска сайт нөҥүө таҕыста. Урукку кэм күргүөмнээх үлэтин, совхоз туруу үлэһиттэрин кэпсиир бииртэн биир сэргэх хаартыскалар үгүс дьон биһирэбилин ыллылар. Ааспыт кэми ахтан- санаан аастыбыт, бу " кини эһээтэ, эбээтэ ",  " хайыа, бу   аҕабыт " баар дии диэн  хаартыскалары үөрүү аргыстаах дьиэ кэргэнинэн  көрдүбүт.  Аҕа көлүөнэ дьоммут олохторун анаабыт, история биир кэрчик кэмэ буолан өйгө- санааҕа хаалбыт  " Нам" совхоз үлэтин оччолорго анал фотограф идэтэ да суох буоллар чопчу  түгэни хаартыскаҕа хатаан  хаалларбыт дьоммутугар махтаныах тустаахпыт. Күрэххэ киирбит хаартыскалар туһааннаах матырыйаалларга   үйэтитиллиэхтэрэ. 

Сыаналыыр сүбэ быһаарыытынан түмүк:

1 миэстэ- Кривошапкин Степан Иванович ( Д.Ф. Алексеев дьиэ кэргэнин анал бирииһэ) 

2 миэстэ- Ядреева Марина Юрьевна

 ( Олохтоох дьаһалта анал бирииһэ) 

3 миэстэ- Кривошапкин Михаил Михайлович ( " Алгыс" НАК анал бирииһэ) 

Сыаналыыр сүбэҕэ үлэлээтилэр:

1. Копырин Александр Иванович,   Намнааҕы историко- этнографическай музей  директора, СР культуратын туйгуна.

2. Попова Вера Дмитриевна,  музей киновидеоархивын сэбиэдиссэйэ, СР Культуратын туйгуна.

3. Николаева Анна Семеновна, музей фондатын сүрүн специалиһа. 

Кыайыылаахтарбытын эҕэрдэлиибит, бука бары кыттыыны ылбыт дьоммутугар махталбытын биллэрэбит! Өрүү көхтөөх буолуоҕуҥ, кэрэҕэ - сырдыкка дьулуһуоҕуҥ, үлэттэн дьоллонуоҕуҥ! 

Протокол жюри<<<<