Муус устар 27 күнэ- Өрөспүүбүлүкэ күнүн көрсө "Норуокка анаммыт олох" киинэбитин сүрэхтиибит

 

      Муус устар 27 күнэ Саха сирин устуоруйатыгар ураты суолталаах күн. 1992 сыл, муус устар 27 күнүгэр Саха Өрөспүүбүлүкэтин Төрүт Сокуона (Конституцията) күүһүгэр киирэн,  билигин муус устар 27 күнүн Өрөспүүбүлүкэ күнүн быһыытынан билинэбит.
     Эһигини барыгытын ис сүрэхпиттиттэн  уруйдаан-айхаллаан, үөрэн-көтөн, долгуйан туран эҕэрдэлиибит!  Саха омук- улуу омук. Субуллар мындыр өйдөөх, үтүө көнө майгылаах, сатабыллаах, үүнэр-сайдар кэскиллээх! Бу күнү көрсө биир дойдулаахпыт, государственнай, политическай деятель И.Е.Винокуров төрөөбүтэ 125 сылынан "И.Е.Винокуров мин нэһилиэгим историятыгар" сериянан уһуллубут "Норуокка анаммыт олох" документальнай киинэбитин  сүрэхтиибит.

     Төрөөбүт – үөскээбит дойдубут үүнэрин- сайдарын туһугар түбүктээх үлэлэрин, олохторун анаабыттары биһиги бары үйэтитэр  ытык иэстээхпит.  Биир дойдулаахпыт, государственнай, политическай деятель И.Е.Винокуров оло5ун, үлэтин –хамнаһын  үөрэтэн, архыып матырыйаалларын  хасыһан, дьоммут- сэргэбит суруйан хаалларбыт ахтыыларыгар тирэ5ирэн  киинэ уһулунна.  Киинэ үс чаастан турар. Бастакы чааска  нэһилиэк историятын, билиӊӊи  оло5ун сырдатар көстүү  киирдэ. Иккис чааска Хомустаах нэһилиэгин историятыгар И.Е.Винокуров оруола көстөр. Илья Егорович  үрдүк култууралаа5ын, инникини  өтө көрөр кэскиллээх өйдөө5үн көрдөрөр танара дьиэтин историята,  норуот инники сайдар кэскилигэр олук ууран МТС курдук улахан тэрилтэни тэрийэн, МТС-ка механизаторынан   үлэлээбит биир дойдулаахтарбыт о5олоро, сиэннэрэ, дьоннорун туһунан сылаас тылынан ахтар интервюлара. Хара тыа5а күндү түүлээх сонордьутунан сылдьан,  государство5а сымна5ас түүлээ5и туттаран,  былаанын аһара толорон,  1946 сыллаахха  «Саха АССР үтүөлээх булчута» диэн  Илья Винокуров  илии баттааһыннаах икки на5арааданы   ылбыт Михаил Федотович Кривошапкин- Уус Мэхээлэ  туһунан   уонна сэрии, тыыл уонна үлэ ветерана Семен Семенович Колесов сэдэх кэпсээнэ, сэрии сылын о5ото Охлопкова Варвара Егоровна ахтыыта. Үһүс чааска көлүөнэ дьон үтүө холобурдарыгар үөрэнэн ,  үлэнэн  уруйдаммыт  киэн туттар биир дойдулаахтарбытын, оскуолабыт бастыӊ выпускниктарын  сырдаттыбыт.  Киинэ олохтоох автор, нэһилиэк бочуоттаах олохтоо5о, СѲ суруйааччыларын союһун чилиэнэ Николай Константинович Федотов И.Е. Винокуровка анаабыт «Ытык Ылдьаа»  хоһоонун  Д.Ф. Алексеев аатынан орто оскуола 3  кылааһын  үөрэнээччитэ Уйгун Мамаев  аа5ыытынан түмүктэнэр. Киинэҕэ И.Е.Винокуров оруолун Николай Соловьев бэрт итэҕэтиилээхтик толорон, ис сурэҕиттэн өйөөтө.  А5а көлүөнэни кэриэстээн, кэскили  түстээн бу киинэ уһуллуутугар общественность, биирдиилээн дьон төһө кыалларынан күүс- көмө буолбуттарынан махталбытын биллэрэбит. 

Сценарийга  үлэлээтилэр:

Надежда Константинова, Анна Мылаханова

 Дикторскай тексты аахтылар:

Алена Томская, Кирилл Семенов 

Уһулан, таӊан оӊордо:

Александр Слепцов

Киинэ консультана:

Александр Копырин

 Оруолларга :

И.Е Винокуров- Николай Соловьев,

Нэһилиэк олохтоо5о- Михаил Рожин

Булчут – Иван Тумусов

 Хоһоону аахта:

Олохтоох автор, нэһилиэк Бочуоттаах олохтоо5о, СѲ суруйааччыларын союһун чилиэнэ Н. К.Федотов И.Е. Винокуровка анаабыт «Ытык Ылдьаа»  хоһооно.   Д.Ф. Алексеев аатынан орто оскуола 3  кылааһын  үөрэнээччитэ Уйгун Мамаев.

Киинэ5э  «Сайдыы» ОАДЬ иһинэн үлэлиир кыраайы үөрэтэр музей материаллара  киирдилэр

Туһаныллыбыт литература:

1.     «Бастакы Хомустаах» Нам улууһа. – Дьокуускай: Бичик, 2005 .- 512 с.

2.      «Намский улус: история, культура фольклор» -Якутск, Бичик, 2010.- 496 с.

3.     «Хомустаа5ым умнуллубат түгэннэрэ» / С.С. Колесов- Дьокуускай: СМИК, 2014- 104 с.

4.     «Ол улуу сылларга сүгүрүйэбит…/ -Дьокуускай: Компания «Дани-Алмас», 2015.- 168 с.

5.      «Уоттаах сэрии умнулубат дуораана» -Дьокуускай: Компания «Дани-Алмас», 2020.- 272 с.

ГНХД РС(Я) матырыйааллара туһанылыннылар

Махтанабыт:

Леонтьев Роман Романовичка,

Колесов Семен Семеновичка,

Азарова Анна Петровна5а,

Данилов Иван Иннокентьевичка,

Местников Дмитрий Григорьевичка,

Шарапов Александр Гаврильевичка,

Кривошапкин Михаил Михайловичка,

Винокурова Саргылана Николаевна5а,

Сивцев Николай Иннокентьевичка, 

«Эйгэ» саӊа көлүөнэ библиотекатын коллективыгар

Киинэ « Хомустаах Бастакы» нэһилиэгэ МТ, баһылык В.Г. Жирков  өйөбүлүнэн та5ыста