Хааччах кэмигэр үлэ тэрээһинэ хонтуруолланар

Бүгүн олунньу 12 күнүгэр " Алгыс" НАК хааччах кэмигэр үлэлиир миэстэни,  ону тэҥэ ирдэнэр докумуоннары төһө сөпкө тутуһан олорорбутун,   тыа кулууптарын кытта үлэлэһэр Республикатааҕы норуот айымньытын киинин директоры солбуйааччы А. Н. Корякин, отдел специалиһа Н.Б.Никулин, Нам улууһун  культураҕа  уонна духуобунай сайдыыга управлениятын начальнига Е.А. Заровняева бэрэбиэркэлээтилэр . Биллэрин курдук биһиги улууспут киин куораттан чугас сытарынан элбэх киһилээх тэрээһин ыытыллара көҥүллэнэ илик, инникитин даҕаны уустук кэм. Билигин 15 киһиттэн элбэҕэ суох репетициялар  көҥүллэнэн тураллар.  Тэрээһин барыта онлайн режим ыытыллара ирдэнэр. " Алгыс" НАКгэр  специалистар  ирдэбили тутуһан күннэринэн, бириэмэнэн аҥардаһан үлэ ыытылла турар. Кулууп күҥҥэ иккитэ дезинфекцияланар, репетицияҕа кэлээччилэр бэрэбиэркэ ааһаллар.  Ыарыы үгэнэ ааһан дуоһуйа кэнсиэр тэрийиэхпит этэ диэн күммүтүн ааҕабыт.