Тыа сирин кулууба үлэтин саҕалаабыта70 сыла

 

Хомустаахпытыгар -Тыа сирин кулууба үлэтин са5алаабыта 70 сыла

Төрөөбүт үөскээбит түөлбэбитигэр Бастакы Хомустаахпытыгар культурнай – сырдатар үлэ 1937 сыллаахтан са5аламмыта.

 Бастаан  утаа  былаан быһыытынан ыйга үстэ (саӊарбат)  киинэ көрдөрөллөрө.  1951 сыллаахха  Тыа кулууба тэриллэн нэһилиэк культурнай оло5ор биллэр- көстөр уларыйыылар, сэргэхсийиилэр  киирбиттэрэ.  Анал кулууп дьиэтэ суох буолан Чагда5а Прокопьев Николай Ильич дьиэтин кулуупка уларытан туппуттара. Оччолорго кулууп сэбиэдиссэйдэринэн үлэлээбиттэрэ- Обутов Дмитрий Михайлович, Охлопкова Анна Михайловна, Колесов Михаил Прокопьевич, Платонов Михаил Николаевич, Колесов Николай Степанович, Попова Матрена Кузьминична.  Бу  кэмтэн ыла  70 сыл устата культурнай – сырдатар үлэ са5аланыа5ыттан үтүмэн сылларга  элбэх талааннаах, дьо5урдаах дьон үлэлээн, айан- тутан кэллилэр.

Бу бэлиэ сылынан урукку кэми ахтан- санаан «Алгыс» НАК  специалистара   өр кэмӊэ культура эйгэтигэр үлэлээбит,  уус- уран самодеятельность актыыбынай кыттыылаахтарын туһунан сырдатыахпыт, урукку кэмтэн хаартыскалары  бэлэмнээн таһаарыахпыт.

Хомойуох иһин культура эйгэтин үлэтин туһунан история5а бэрт а5ыйах матырыйаал  баар. Онон нэһилиэкпит дьоно- сэргэтэ сыана5а ыллаан- туойан, үӊкүүлээн ааспыт,  кэрэ5э- сырдыкка угуйбут    дьоммут туһунан суруйан эбэтэр иһитиннэрии онорон  көмө буолларгыт  диэн ыӊырыылаахпыт.

 

 «Алгыс» Норуот Айымньытын Киинин коллектива