Кылтан тымырдаайы өрүү

Бүгүн тохсунньу 25 күнүгэр Устудьуон күнүн көрсө ыччакка анаммыт нэдиэлэни " Сатабыл" маастар - кылаас аста.

 Ол курдук кылтан өрүү кистэлэҥнэрин, ньыматын Кристина Сидорова үөрэттэ. Кристина кылтан өрүү үөрүйэхтэрин  Намнааҕы педагогическай колледжка үөрэнэ киирэн билсибитэ. Дипломнай үлэтин кылтан комплект оҥорон көмүскээбитэ. Түргэн туттунуулаах , дьоҕурдаах Кристина маастар - кылааска кэлбит истээччилэри  12 утаҕынан тымырдаайы өрүүтүгэр   үөрэтэн биир күнү олус туһалаахтык атаардыбыт, саҥаны биллибит, туспутугар туһанныбыт. Эдэр ийэ иллэҥ кэмигэр кылтан араас оҥоһуктары өрөн холоноро бэрт туһалаах дьыала диэн бэлиэтии көрдүбүт. Кристинаҕа махталбытын биллэрэбит , сөбүлүүр дьарыгын  өссө даҕаны сайыннын диэн алгыыбыт. Сайдыылаах ыччат- инники кэскилбит!