Кыайыы...Дьон-норуот үөрүүтүн үксэппит, өрөгөйүн улаатыннарбыт, араас өҥүнэн оонньообут Кыайыы салюта чаҕыллыбыта 80 сыллаах үбүлүөйдээх күнэ үүнэрэ 100 хонук хаалла...
“Улуу Кыайыы күнүгэр дылы 100 хонук” үөрүүлээх тэрээһин Бастакы Хомустаахха бүгүн “Алгыс” НАК ыытылынна. “Эйгэ” модельнай библиотека бэлэмнээбит "Улуу кыайыы ытык өйдөбүлэ" кинигэ быыстапка турда. Тэрээһин күндү ыалдьыттарынан буоллулар тыыл ветераннара, сэрии сылын оҕолоро. Күндү ветераннарга нэһилиэк тэрилтэлэрин ааттарыттан бэлиэ күнүнэн сибэкки дьөрбөтө, сэмэй бэлэх уонна “Ыллык” телестудия иитиллээччилэрэ - 4 “б”кылаас үөрэнээччилэрэ бэйэлэрин илиилэрин сылааһынан оҥорбут “Кыайыы значоктара” туттарылынна. Кыайыы Знамятын күөрэччи тутан киирдилэр Д.Ф.Алексеев аатынан орто оскуола 8 кылааһын үөрэнээччилэрэ Валерий Винокуров, Нюргустан Попов, Прокопий Протопопов. Үүнэр көлүөнэ, кэнчээри ыччат-1-Хомустаах орто оскуолатын үөрэнээччилэрэ тэрээһини ырыанан, хоһоонунан, үҥкүүнэн киэргэттилэр. Ааспыт сыллары кэрэһэлиир, Кыайыы үбүлүөйдээх 40 сылыгар аналлаах парад видеоархыыба көрдөрүлүннэ.
Э5эрдэ тылларын эттилэр “Хомустаах 1-кы нэһилиэгэ” МТ баһылыга Василий Гаврильевич Жирков, нэһилиэк ветераннарын сэбиэтин бэрэссэдээтэлэ Зоя Егоровна Ощепкова. Аҕа дойду улуу сэриитин уоттаах толоонуттан эргиллибэтэх уонна билиҥҥи кэмҥэ буола турар анал байыаннай дьайыыга сырдык тыыннарын толук уурбут, эйэлээх олох иһин турууласпыт биир дойдулаахтарбыт сырдык кэриэстэригэр сүгүрүйэн туран биир мүнүүтэлээх чуумпуруу буолла. Тэрээһин түмүгэр «Эйэ-дьол иһин» күргүөм ырыа ылланна.
Комментариев нет:
Отправить комментарий