Бастакы Хомустаах нэһилиэгин А.Н.Окоемов аатынан "Мичээр" ҮНА Пекин куоракка ыытыллыбыт Аан дойдутааҕы "Хрустальный лотос" фестивальга,  хореограф Константин Борисов туруоруутугар "Дьөһөгөй" үҥкүүнэн Гран- при үрдүк аатыныллылар. Оҕолор фестивальга икки үҥкүүнэн кыттыннылар - "Эҥсиэли хочотугар" ( А.Н.Окоемов туруоруута),  "Дьөһөгөй" ( К.В.Борисовтуруоруута). Фестивальга уопсайа 250 оҕо кыттыыны ыллылар, Кытай республикатын Хэйхэ-Харбин-Пекин-Бэйдайхэ куораттарынан күүлэйдээтилэр. Оҕолору салайан илдьэ сылдьаллар ансамбль администратора Нюргуяна Ильинична Ощепкова, костюмер Полина Андреевна Ефимова.

 

Ыһыах   күрэҕин кыайыылаахтара :

"Өбүгэ оонньуулара"  кыайыылаах Владик Мамаев,  "Прогресс"   хампаанньа ( дир. Пинигин А.С)  туруорбут 100 000  солк. сертификатынан на5араадаланна. 

Оҕолорго сүүрүү күрэҕэр 1-4 кылаастарга бастакы миэстэ Ядреев Уйгулаан, иккис миэстэ Заровняев Айхал, үһүс миэстэ Маньков Андрей. Кыргыттарга бастакы миэстэ Окоемова Айхаана, иккис миэстэ Алексеева Күннэй, үһүс миэстэ Петрова Софья. 5-7 кылаастарга бастакы миэстэ Суздалов Олег, иккис миэстэ Колесов Алгыстаан, үһүс миэстэ Винокуров Рома. Кыргыттарга бастакы миэстэ Ушницкая Настя, иккис миэстэ Павлова Мичийэ, үһүс миэстэ Алексеева Лия. 

"Тарбах тардыһыы" күрэххэ Сивцева Светлана, Фараонов Андрей, оҕолорго Коля Попов кыайыылаахтарынан ааттаннылар. "Кыыс оҕо киэргэлэ - уһун суһуох"  күрэххэ 8-11 саастаахтарга бастакы миэстэ Лиана Новгородова, иккис миэстэ Анжелика Готовцева, үһүс миэстэ Нарыйаана Оконешникова, 12- 17 саастаахтарга бастакы миэстэ Юлия Васильева, иккис миэстэ Ангелина Табунанова, үһүс миэстэ Сандаара Леонтьева. "Корнхол" күрэххэ Екатерина Борисова, Афанасий Охлопков, Афанасий Софронов кыайыылаахтарынан ааттаннылар. "Саха дьахтарын төрүт таҥаһын киэргэлэ-  хаппар" күрэххэ бастакы миэстэ Елизавета Охлопкова, иккис миэстэ Татьяна Лаврентьева, үһүс миэстэ Мария Тотонова. "Сайын- тутуу кэмэ" бириистээх оонньуу сүрүн бирииһин биир куб хаптаһыны туттулар Айталина , Иннокентий Избековтар. 

Үрүҥ тунах ыһыахха алгыс маанытын анаата Лоҥхо Тэтим  Буурҕат Уус уола. Эҕэрдэ кэнсиэргэ кыттыыны ыллылар нэһилиэк уус-уран самодеятельноһа, үҥкүү , ырыа, фольклор коллективтара, нэһилиэкпититтэн төрүттээх кэнчээри ыччаттарбыт. Ил -эйэ оһуохайын түһүлгэтин төрүттээтилэр Ирина Николаева, Михаил Рожин. Алгыстаах кымыс үрдүн охтордо нэһилиэкпит ытык кырдьаҕаһа, тыыл  ветерана  Николай Семенович Гаврильев.

Ыһыахпыт хас биирдиибит сүрэҕин үтүөнэн, тапталынан, үөрүүнэн угуттаатын ! 

 Бастакы Хомустаах нэһилиэгин Үрүҥ тунах ыһыаҕар ыытыллар күрэхтэр балаһыанньалара . Сайаапкалары бэс ыйын 12 күнүгэр диэри ылабыт. 

 Оҕо баар-  күндү баай ! 

Оҕо баар буолан - олох сырдыыр, 

киэркэйэр, суолталанар  уонна

салҕанар! 

Аан дойдутааҕы Оҕо көмүскэлин күнүн бэлиэтиир тэрээһин "Алгыс" НАК  пааркатыгар бүгүн  ыытылынна. Бырааһынньыктааҕы аралдьытыыны  уһуйаан иитиллээччилэрэ ырыаларынан , А.Окоемов аат.  "Мичээр" ансаамбыл  үҥкүүнэн   киэргэттилэр, ону сэргэ дьиэ кэргэттэр  станцияларынан оонньууга кытыннылар. 

Бүгүн- Саха Өрөспүүбүлүкэтигэр  Оһуохай күнэ. Бу үтүө күҥҥэ аналлаах Дьокуускай куоракка ыытыллыбыт өрөгөйдөөх тэрээһиҥҥэ, биһиги нэһилиэкпититтэн Ирина Николаеваҕа "Саха Сирин үтүөлээх этээччитэ" үрдүк аат иҥэрилиннэ, анал бэлиэни үөрүүлээх быһыыга-майгыга туттардылар. Саха ырыатын- тойугун дэгиттэрдик баһылаабыт Ирина Николаевнаҕа эҕэрдэбитин тиэрдэбит, ситиһиилэр сиэттиһэн кэлэн истиннэр, талба  талааныҥ арыллан истин диэн алгыс тылларын аныыбыт.

Ыам ыйын 24 күнэ - бары үөрэх кыһаларыгар тиһэх чуораан чугдаарда, үөрэх дьыла түмүктэннэ.  Д.Ф.Алексеев аатынан орто оскуоланы бүтэрэр выпускниктарга анаан  айыыларга хайыһыы,  арчылааһын сиэрэ - туома ыытылынна. Оҕолор салама баайдылар, кэс тыллардаах  бэлиэ туттулар. Туому "Алгыс" НАК фольклорга специалиһа Елена Руфова ыытта. Ону сэргэ, А.Н.Окоемов аатынан "Мичээр" ҮНА выпускниктарыгар Дамир Казановка, Эрнест Егоровка, Петр Васильевка, Эдуард Охлопковка, Артем Алексеевка уһуйааччылара Нюргуяна Ильинична, Алена Николаевна  ансаамбылы   түмүктээбит туоһу суруктарын, бэлэхтэри туттардылар.  А.Н.Окоемов бииргэ үөрэммит доҕотторо, 1977 сыллаах выпуск сылын аайы ансаамбыл выпускниктарыгар туттарар стипендияларын быйыл Эрнест Егоров , Петр Васильев ыллылар.    

 

Бүгүн  ыам ыйын 23 күнүгэр  -  үгүс көлүөнэ ыччаты үҥкүү кэрэ эйгэтигэр уһуйбут,  “Мичээр”  үҥкүү народнай ансаамбылы төрүттээбит, СР культуратын үтүөлээх үлэһитэ, Нам улууһун Ытык киһитэ Александр Николаевич Окоемов төрөөбүтэ 65 сылынан   сырдык аатын үйэтитэр ,  бэриниилээхтик, таһаарыылаахтык үлэлээбит сиригэр, “Алгыс” Норуот Айымньытын Киинин аартыгар  өйдөбүнньүк стела аһыллар бэлиэ түгэнэ ыытылынна. Биһиги нэһилиэкпитигэр  Александр Николаевич  курдук  айылҕаттан айдарыылаах, сүдү талааннаах киһи кэлэн нэһилиэк култуурата сайдыытыгар сүҥкэн кылааты киллэрэн,  күн бүгүн  нэһилиэкпит   ”Үҥкүүһүт нэһилиэгинэн ” сураҕырар. Кини  дьаныардаах  үлэтин  түмүгүн ,  нэһилиэкпитигэр икки улахан ааттаах- суоллаах  үҥкүү коллективтара   үлэлии тураллара туоһу буолар.