Алтынньы 18, 19, 20 күннэригэр Хомустаах Бастакы нэһилиэгин «Алгыс» норуот айымньытын киинэ, Партизан нэһилиэгин Дмитрий Кривошапкин аатынан «Хомус» фольклор дьиэтэ, Василий Зырянов аатынан Үөдэй нэһилиэгин «Сарыал» култуура киинэ сомоҕолоһон, саҥа үлэ сезонун арыйар ырыа-тойук аргыстаах, үҥкүү-битии кэһиилээх сэргэх кэнсиэрдэр тэрилиннилэр. Үс нэһилиэк уус-уран самодеятельноһын актыыбынай кыттыылаахтара сонун киэһэни көрөөччүлэргэ бэлэхтээтилэр. Хомустаах Бастакы нэһилиэгэр ыытыллыбыт тэрээһиҥҥэ СР культураҕа уонна духовнай сайдыыга Министерствота олохтообут "Ветеран художественной самодеятельности" бэлиэни өр сылларга нэһилиэк культурнай олоҕор актыыбынайдык кыттар Варвара Дмитриевна Жирковаҕа, Надежда Аркадьевна Васильеваҕа нэһилиэк баһылыга Василий Гаврильевич Жирков туттарда, ону тэҥинэн СР Ийэ күнүнэн, РФ Аҕа күнүнэн нэһилиэкпит быйыл саҥа кырачаан оҕоломмут ыалларыгар эҕэрдэ суруктарын, бэлэхтэрин анаата.
Комментариев нет:
Отправить комментарий