МБУ ЦНТ "Алгыс" с. Кысыл- Сыр, Намского улуса

 Оҕо баар-  күндү баай ! 

Оҕо баар буолан - олох сырдыыр, 

киэркэйэр, суолталанар  уонна

салҕанар! 

Аан дойдутааҕы Оҕо көмүскэлин күнүн бэлиэтиир тэрээһин "Алгыс" НАК  пааркатыгар бүгүн  ыытылынна. Бырааһынньыктааҕы аралдьытыыны  уһуйаан иитиллээччилэрэ ырыаларынан , А.Окоемов аат.  "Мичээр" ансаамбыл  үҥкүүнэн   киэргэттилэр, ону сэргэ дьиэ кэргэттэр  станцияларынан оонньууга кытыннылар. 

Уопсайа сэттэ хамаанда - Слепцовтар, Аргуновтар, Оконешниковтар, Лихановтар, Софроновтар, Колесовтар, Соловьевтар дьиэ кэргэттэрэ. Түмүккэ бастакы миэстэҕэ  Варвара, Егор, Ева Соловьевтар, иккис миэстэҕэ Наталья, Владимир, Данияр Колесовтар, үһүскэ Аристарх, Гавриил Софроновтар тахсаннар бириистэринэн наҕараадаланнылар.

 "Мой первый транспорт" күрэххэ эдэр ийэ Сияна Слепцова кыра кыыһынаан  кыттыыны ыланнар   бириис туттулар. 

 Бүгүҥҥү күн ураты суолталаах, бэлиэ түгэнинэн  - "Палитра" куруһуок иитиллээччитэ Эвелина  Егорова айар быыстапката турда. Эвелинаны   уһуйааччыта Валерия Васильевна Соловьева, кылаас салайааччыта Туяра Дмитриевна Ермолаева эҕэрдэлээтилэр, инникитин айар үлэтигэр ситиһиилэри баҕардылар.  Быыстапка туһунан ис санаатын үллэһиннэ, ырытыы оҥордо үлэ ветерана, СР култууратын туйгуна Людмила Николаевна Степанова. Эвелина уруһуйдарын туһунан бэрт истиҥник дьоҥҥо -сэргэҕэ кэпсээн иһитиннэрдэ, сырдатыы оҥордо. Кини урһуйдуурун, ыллыырын олус сөбүлүүр. Уруһуйдарын техниката аныгы үйэ хайысхатынан граффити техникатыгар сөп түбэһэр. Дьүһүннэри таба дьүөрэлээн,  хас биирдии үлэтэ ураты кэрэ.  Быыстапка  салгыы бэс ыйын 8 күнүгэр диэри "Алгыс" НАК  көрдөрүүгэ туруоҕа. 

 Аралдьытыы кэмигэр оҕо -аймахха "Аквагримм"  үлэлээтэ, маассабай ооньуулар ыытылыннылар, бырааһынньыктааҕы фейерверк үөрүүнү үксэттэ. Тэрээһини видеоҕа устан, хаартыскаҕа түһэрэн үйэтиттилэр Айталина Избекова, Людмила Степанова. Ыытыллыбыт күрэхтэргэ бириистэринэн  спонсордаабыт дьиэ кэргэн аҕа баһылыктарыгар Афанасий Колесовка, Иван Васильевка  махталбытын биллэрэбит.