МБУ ЦНТ "Алгыс" с. Кысыл- Сыр, Намского улуса

   

Кэнчээри ыччаты патриотическай тыыҥҥа иитэр, уоттаах сэриигэ кыргыспыт биир дойдулаахтарбыт сырдык ааттарын үйэтитэр сыаллаах,   Улуу Кыайыы 80 сылыгар аналлаах оскуола үөрэнээччилэригэр   “Кыайыы суолунан” квест-оонньуу ыытылынна. Оҕолор түөрт  станциянан бириэмэҕэ араас хабааннаах сорудахтары толордулар, байыаннай - спортивнай түһүмэҕи эмиэ аастылар.     Түмүккэ кыайыылааҕынан 9 кылаас  "Спезнац" хамаандата таҕыста, иккискэ  10 кылаас "Тюльпан" хамаандата, үһүскэ 11 кылаас "Петя Победный" хамаандата.  Бүгүҥҥү оонньуу кыайыылаахтарыгар   - биһиги нэһилиэкпититтэн сэрии ветерана, пулеметчик, Курскай дуга уонна Москва аннынааҕы кыргыһыы кыттыылааҕа Кривошапкин Иннокентий Тихонович оҕолоро, сиэннэрэ туруорбут анал бириистэрэ туттарылынна. Тэрээһиҥҥэ ветеран  И.Т. Кривошапкин уһуллубут ахтыытын видеозапиһа көрдөрүлүннэ, сиэнэ  Сахайаана Дорос кыттыыны ылла. Оонньуу түмүктүүр түһүмэҕэ хаартысканан "пазл" таҥан,  ветеран олорбут дьиэтин оҕолор булан тиийиилэрэ  интэриэһи үөскэттэ.    Бириис туруорбут, тэрээһиҥҥэ спонсордаабыт И.Т. Кривошапкин дьиэ кэргэнигэр барҕа махталбытын биллэрэбит! Ким да умнуллубат, туох да умнуллубат!