Бүгүн Аҕа дойду сэриитигэр Улуу Кыайыы өрөгөйдөөх 80 сылын бэлиэтиир "НАМ УЛУУҺА КЫАЙЫЫ СУОЛУНАН" айан акция нэһилиэкпитигэр ыытылынна.
Айан акцията - "Нам улууһа" муниципальнай оройуон баһылыга Юрий Иннокентьевич СЛЕПЦОВ кулун тутар 10 күнүнээҕи 612 №-дээх Дьаһалыгар олоҕуран ыытыллар.
Айан сүрүн соруга - төрөөбүт ийэ дойдуга тапталы, бэриниилээх буолууну көҕүлүүр, Улуу кыайыыны аҕалбыт өбүгэлэрбитин, оччотооҕу уордаах сэрии кэмигэр бүгүҥҥү дьоллоох олоҕу уһансыбыт ытык ветераннарбытын санаан-ахтан, кэриэстээн, кинилэр сырдык ааттарын үйэтитиигэ ананар.
Дириҥ суолталаах бэлиэ күҥҥэ тыл эттилэр «1 Хомустаах нэһилиэгэ» тыа сирин түөлбэтин МТ депутаттарын сэбиэтин председателэ Ю.А. Николев,
улуус ветеран советын председателэ С.Д. Кобякова. Ырыанан эҕэрдэлээтилэр Нам 1№ орто оскуолатын 8«г» кылааһын үөрэнээччитэ С. Барабанов,
А. Шестаков аат. улуустааҕы норуот айымньытын дьиэтин "Коробейники" нуучча ырыатын народнай ансаамблын салайааччыта
Д. Н. Барабанов уонна нэһилиэкпит ветераннарын ансаамбыла.
Тэрээһиҥҥэ музыкальнай лото оонньуу ыытылынна, "Музей в чемодане" экспозиция, кинигэ быыстапката көрдөрүүгэ турда. Түмүккэ туостан
тигиллибит тууйаска нэһилиэк баһылыгын көмүс суруга угулунна, бу тууйаска түмүллүбүт суруктар Кыайыы 100 сылыгар, аны 20 сылынан арыллан ааҕыллыахтара.
Комментариев нет:
Отправить комментарий